O Sankcije oslabinena e Evropa, namesto e Rusija

Ko 24to Februar i Rusija pocminga voeno operacija ki Ukraina. Sar odgovor, o zapadna phuvja vovedinge sankcije protiv i Moskva, so sar prvo vljianga ko bankarsko sektori em ko snabdibe vishoko tehnoloshka proizvodija. Bare Sumnaleskere Bredndija najavinge po chinavibe buti keribe ki Rusija.

Akala merke o Kreml narekujnga len sar ekonomsko vojna sar ni jek javer dzi akana, o nadlezna istakninge pi podgotvenost bashi asavko razvoj e nastaneskoro em uveringe deka ka produzinen te ikeren pumare socijalna obvrska prema o dizutne.

I Rusko banka lela merke bashi stabilizacija e sostojbakiri ko devizno pazari, o Vlastija isto aghar najavinge transfer bashi o platibe Rusko gasi e neprijatelsko phuvjenge ki Rusko valuta. Dopolnitelno, i Vlada podgotvinga plani bashi sprotivstavibe e restrektivno merkenge, kola vkljucinena negde 100 inicijative. O iznos bashi leskoro finansibiribe ka ovel negde okolu trilion rubli.

Ko isto vakti, i Evropa soocinela pes ustibaja o cene taro gorivo em e inflacijaja taro prehranbena produktija sar rezultati e sankciengoro, so predizvikingja nezadovolstvo ko dizutne ko nesave EU drzave.

Baro broj taro drzave ko sveto ednostavno na ucestvinge ko sankcie soj kerde upra ki Rusija, i Indija avdije tani zadovolno so shaj te dobinel nafta ki poeftino cena. Dali o sankcije tane o cachutno reshenie ?

O sankcije na trebela te oslabinen po vishe e drzaven kola so vovedinge len, nego e Putine, ama adava shaj te slucinel pes ako anela pes embargo bashi o Rusko gasi.

Pale trebola te razmislinen koj povishe nashavela e sankcijencar, em dali samo ekonomska sankcije tane dovolna?

Delo taro teksti tano lendo taro frankfurter algemeine zeitung intervju Eisenberg

andrijano

See author's posts