Shaban Saliu- Selektivno ili zrtva e pravosudsko sistemeske ?

Ko 12to April 2025 bersh o Presedateli e partijakoro DSR thaj Ministeri bizo resor ki aktuelno vlada o Shaban Saliu, sine privedimo thaj ko rodibe taro OJO sine leske odredimi merka pritvor phanlipe taro osnovno sudo Kocani.

Soske o Shaban Saliu tano ki istraga thaj ko pritvor ?

O na manglo nastan kova so slucinga pes ki Diskoteka « Puls » ko Kocani kote ki jagakiri bi-baht mule 63 dzene thaj upreder 200 sine povredime. Sar angluno direktori tari direkcija bashi zashtita thaj spasuvanje taro 2008 dzi ko 2017 bersh, tano delo taro istraga koja kerela pes e na mangle nastaneja. Sar so najavinga o Ministeri bashi andrune bukja thaj o Drzavno javno obviniteli, deka sekova jek savo sine ki funkcija taro phravibe tari diskoteka Puls pa dzi ko avdisutno vreme ka oven osomnicime bashi na pravilno buti keribe, kote mashkar lende arakhavgolela thaj o Shaban Saliu sar Direktori adale agancijakoro.

Soske leske odredimo pritvo phandipe a javerenge na ?

Sar so saj te dikha ko akala palune dive, o presedatelstvo e partijakoro ikljovena soopshteniencar thaj statusencar ko socijalna mreze kote so pishinena em glasno rodena pravda pire presedateleske puchibnaja soske tano samo ov mashkar ko posledna privedime samo ko pritvor phanlibe, a sa okola tane ko kherutno pritvor. Akate mora te objasnina deka mashkar ko manusha kaske tano odredimo merka pritvor phanlipe nane samo o Shaban Saliu isi hem javera osomnicime kola tane tela ki merka pritvor phanlipe.

Akate mora te phrava jek javer diskusija soske tano ko pritvor phanlipe a na ko kherutno pritvor ?

1. Postojnela opasnosnot bashi nashibe tari drzava thaj te na ovel dostapno e sudsko organenge.
2. Postojnela opasnost te ovel le vlijanie upra ko svedokija ili manusha save kerena buti ko institucije

Me povishe bi zadrzinava man ki 2to tocka, Soske akana ka pokushina pravno te objasnina le

Sar prvo o manusha save kerena buti leste ko kabineti, sekova dive produzinena te dzan ki buti

I partija DSR tani registirimi thaj o clenstvo khdela pes ki partija, leske ko kher kote leskiri privatno thaj partisko adresa tani isto ki Komuna Shuto Orizari.

Leskoro unuko o Kashmir Saliu (mada nane tane ko shukar familijarna odnosija) tano aktuleno zamenik direktori ki Agencija bashi zashtita thaj spasuvanje.

I Romni leskiri Mirdita Saliu tani aktuelno sovetniko ki diz Skopje thaj rakovoditeli ko Ministerstvo bashi Trud thaj Socijala.

Ake soske o nepotizam nane ko korist odredeno momenti e nositelenge tari funkcija, shaj te na ovel le nisavo direktno phanlibe thaj odgovornost bashi i bi baht ko Kocani,, ili pa postojnena somnenija thaj i istraga em o OJO kerena buti ko khedibe dokazija bashi o Saliu.

Sar shaj sigende te ovel mukhlo o Shaban Saliu ko domashno pritvor ?

Ako i 2to tocka ikerela sar argumenti bashi o OJO thaj o Osnovno sudo taro Kocani, deka bashi o Shaban Saliu ikerga pes merka pritvor phandlipe, sebepeja te na ovel le vlijanije upra ko svedokija ko samo momenti valjanga i zrtva te rodel pes ko leskoro unuko Kashmir Saliu thaj ki leskiri Romni i Mirdita Saliu, kote ko samo momenti o solduj dzene valjange te den ostavka taro pire funkcije za da te lokharen e sudoske te anel po kovle merke. Ama dali tano spremno o Kashmir Saliu thaj i Mirdita Saliu te den ostavke taro pire funkcije ?

Panda jek posledno lafi so shaj o Rodibe taro DSR te anel shteta po vishe manushenge tano adava so ko pire rodibe thaj statusija dzana protiv pumaro aktuelno kolaiciono partneri VMRO-DPMNE thaj o Mickoski, pishibaja deka isi revolti, pishibaja deka ka slucinel pes lenge narod, dea o Shaban saliu tano citirinaja « ZIGANSKO ZRTVA E SISTEMESKE » Dali asavke rodibe tane releventna taro piro koaliciono partneri, adaleja so shaj te avel dzi ki holi thaj na samo sar so najavingja o Premieri Mickoski deka ko naredna dive ka razreshinel o Shaban Saliu tari funkcija Ministeri bizo resor, nego dali ka shaj em te lel lendar sa o direktorska thaj rakovodna thana sar na primer o GTC kote baro broj taro Roma kerena buti ?

Mislinava deka trebola o emocije te ikeren pes ko andrune lafi keribe, pohari te ikljol pe ko socijalna mreze 1 manusheske ma te nastradinen po buter manusha. Ako o OJO nane le dokazija o Shaban Saliu ka shaj te rodel bari oshteta, ako isi dokazija onda o Shaban Saliu ka trebol te odgovorinel sprema o zakoni e drzavakoro.

Adaleske mislinava te mukha i istraga te dzal thaj te dokazinel pes VINA ili NE-VINA.

About Author

andrijano

See author's posts