septembre 28, 2022

24h Information

"Nashti uvek te slozina amen olencar, ponekad mora te ova protiv olende"

Sa nekoj amenge krivo, niked amen na sijem kriva

Ko bilo savo neuspeh, uvek rodaja te frda i krivica ko javera, sa nekoj krivo amenge, sa ola na kerge shukar, sa ola chorge amen, sa ola upropastinge amen.

Oja neshto taro akava isi chachipe, ama mora te priznajna deka amen sar zaednica voopshto na sijem spremna te dikha o krivice korkori ki amende.

Dali prvo dzanaja sar zaednica ko save uslovija mangaja te zivina, em dali sijem spremna amen te kera adala uslovija za da te ovel amenge poshukar sar zaednica.

Odgovornost isi e manushen kola so vodinena nesave pozicije kola so narekujnena pes « ko interes e zaednicake », ama po bari odogovornost beshela ki amende sar bi-organizirimi zaednica.

So sijen spremna tumen te pridonesinen sar zaednica ?

Ko save uslovija mangena te zivinena, em so sijen spremna tumen te anen adala uslovija?

Sijem li spremna financisko te zajaknina amaro kapaciteti?

Sijem li spremna intelektualno te zajaknina amaro kapaciteti?

Sijem li spremna te podrzina nevladino organizacijen thaj Politicko partijen ?

Sijem li spremna amedar te kera neshto amenge, bizo te krivina e javeren, nego te dikha amen ko ogledalo em te pendzara amare greshke ki amende.

O manushikano organizam aghar tano kerdo, so na priznajnela pe greshke, uvek khhuvaja ki ofanziva keda nekoj penela amenge amaro chachipe, trebola te sikljova te ova korektivna thaj te koregirina amare greshke kola so namerno ili ne-namerno keraja len.

Trebola te sikljova te ova organizirimi zaednica koja so ka ovel spremno ko but terenija te soocinel pes e aktuelna bukjencar kola tane baro predizvik amenge sar zaednica.

Keren Follow amari Facebook Strana Roma News

Keren Like em Follow ki amari facebook Strana Oven Saste


This will close in 30 seconds