I Kula thaj lakoro Pistibe Dumaneja

Ki jek phuv oblikujmi taro setibe, ama vladimi taro povtoribe, o manusha tapkinena. Na adaleske so na sine len sune, tuku adaleske so na sine len struktura. Na adaleske so na sine len hrabrost, nego adaleske so uvek keda nekoj ka pokushinel sine te gradinel – o dumani iranela pes sine pala.

Ama adava na sine obicno dumani, adava sine Pistibaskoro dumani. Glasno, exoidno, uvek ki pretstava, niked ko sozdavanje. Shirinela pes mashkar ko doline thaj ploshtadija, prestavibaja pes sar o Cachipe. Ama niked na anga plani — nego anela sine panika. Uravela pes sine pendzarde lafencar: zaednica, otpor, ednakvost – ama adala lafija koristinela len sine te shaj paralizirinel pes a na te oslobodinel pes.

 » Ola mislinena deka tane poshukar. » « Ola amen na prestavinena. » « Ola bisterge kotar avena. » « Rushinen sa adava. » Adava na sine jag. Nishto na kerga. Samo imitiringa urgentnost, hranibaja pes daraja, dzi kote na achola sine nishto osven samo i galama. Em aghar, o manusha achile ki phuv. Shudre, razdelime adzikerindor o dumani te rascistinel pes.

Ama jek dive, nekozom olendar cidinge pes, na za da te nashen – nego te pocminen. Khedinge bara, na za da te odvojnen pes, nego za da te gradinen. Ola pro ucinge i phuv – na za da te pokorinen la, nego za da te haljoven la. Ola setinge pes, tivko deka i mok (sila) nane i galama nego i MOK (Sila) tani i struktura.

Em aghar pocminge te chiven o prva bara jeke Kulakere. Na dena sine bare izjave, na rodena sine aplauzija nego ola samo gradinena sine – nameraja, vizijaja em grizaja. O dumani iranga pes, panda po galamdzija taro bilo koga.  » Akava i arogancija! »  » Ola mangena te vladinen! »  » o Cachutne manusha na gradinena kule! »

Dzi kote okola kerena sine galama, i Kula produzinela te izgradinel pes em te vazdel pe. Taro prvo sprati, o graditelija dikhena sine vec po-dur. Taro dujto sprati, dikhena sine o sheme taro haos. Taro trito sprati, halile: o dumani na sine cachutno– nego samo prestava. Dar so povtorinela korkori pes, sa dzi kote o narodo na bisterge deka isi len pravo te vazden pes (izdignen pes).

O Dumani vikinela sine. Nekoj frdine bara. Javer pokushinena sine te ukljen, samo za da te vikinen taro ekvash drumo. Ama but javera posmatrinena sine ki tishina. Em tegani – slucinge pes promene. Jek po jek, o javera da pocminge te ukljen. Na bashi Mok, na bashi slava tuku bashi vizija za da te dikhen o sveto upo o exouidni haos. Ola ange vasta, ideje, alatija em hrabrost, ola ange setibe – na sar nostalgija, nego sar plani.

Ama sar bajrola sine i kula, slucinga pes neshto neverojatno, o dumani kruzinela em vikinela sine, pale pokushinela sine te prestavinel o phiribe sar predastvo. Ama o manusha vishe na dishinena sine adava dumani, na shunena sine galama bizo pravco – em bizo zdiv so ka ingarel le, o dumani nashavdilo. nane peribe, nane bitka, samo — bisteribe, nashavga i sila ko isto momenti koga o narodo reshinge zaedno te gradinen.

I kula achili, na sar spomeniko bashi gordost nego sar kher bashi perspektiva. Than kotar so dikhela pes o avutnipe, than bashi organizacija, zashtita, sikljovibaske. Than kote so shaj te pocminel pes povtorno — ama strukturaja.

O dumani neka pishtinel, neka povtorinel o purane replike posledno puteske, ama amen na zivinaja vishe ko vreme e galamakoro, Zivinaja ko vreme keda gradinela pes — i Kula vazdinga pes, em zaedno olaja vazdaja em amen.

About Author

andrijano

See author's posts