Nakhle o prva 100 dive tari nevi formirimi vlada ki Republika Severno Makedonija predvodimi taro VMRO thaj lengiri koalicija ( isi em Romane partije ki Koalicija), pa dikhaja o loshno pocetok e vladakoro ki generalno politika thaj sprovedibe tocke tari pred-izborno programa.
Mangava te chivav akcenti ki Romani politika, so ko nakhle 100 dive nisavi prioritetno tocka nane chivdi ki vladino programa, a ni pa amare Ministerija o Rajo DR.Shaban Saliu thaj o Rajo Nezdet Mustafa na citingem ili pa dikhlem lendar nesavi manifestacija rodibe prioritetija e romenge ki vladino programa.
Panda jek po chudno buti, ko 16to Juni naglasimo sine o DR.Shaban Saliu sar Ministeri bizo resori bashi integracija thaj implementiriba i « Dekada » e Romengiri, kote ki leskiri nominacija bashi akava naziv, bichavdo sine mandar puchibe dzi ko Mickoski « Savi Romani DEKADA? » kolake sar stalno na dobingem odgovor, nane nishto chudno so spomninge Dekada koja na postojnela, nego soj tano panda po chudno so o naziv akana ki oficijalno web strana tari Vlada e Severno Makedonijake na pishinela vishe DEKADA, nekoj brishinga i funkcija, ili osvestinge pe deka asavko neshto na postojnela? Dikhen o slike ki sporedba.
Slika lendi taro RomaPress
Pa isi amen pravo te pucha, kaj geli i nepostoecko DEKADA ?
Na samo o PING-PONG khelibe e vladakoro, nego isto aghar tano o puchibe, soske akava ministerstvo panda nane le oficijalno vladino web strana informacijencar taro aktivnostija thaj i programa akale ministerstvoskoro bizo resor.
Mora te pucha amen, dali akala koaliciona dogovorija tane samo shuze Foteljake em pozicijake ili chachipnaskere voljake te podobrinel pe i situacija e romengiri ki RSM. Ake panda jek primer o Zamenik Ministeri bashi odnosija mashkar o zaednice o Nezdet Mustafa, nane le ni Oficijalno vladino slika sar so isi len o Ministerija thaj o Zamenik Ministerija, nego o Ministerstvo lela 1 leskiri slika taro Facebook.
Puchibe « daj shta das meni da bude lepo, ili angazmani e zaednicake? »
Ake sar khelela peske o Mickoski PING-PONG e Romencar, a adala Roma soj leja ki sorabotka (KOALICIJA) ni na primetinge akala bukja, soske lenge o prioriteti keda ka khuvel i plata, em kote ka chiven pe pashe manushen ki buti.
Ajde achola te dikha o Mickoski palo Monopol, bi-pol em leskoro smeshno tri-pol kova na postojnela ko nisavo recniko nego sa soj palo bipol vakerela pe OLIGOPOL, so panda ka izmislinel e Romane politicarencar !
About Author
More Stories
8to April: I Romani Nacia Afirmirinela Piro Suvereniteti
Germanija glasinga: E Romenge o izbor tano jasno – borinen tumen ili nashavgjoven !
Nevi bi-bah ki Komuna Shuto Orizari: 17 bershengoro taro Kosovo vrdaja khuvgja duje ternen