Demokratija, koncepti kova hor tano vkorenimo ki socijalno thaj politicko struktura bute drzavende ko sveto, sekova bersh slavinela pes ko 15to Septemvri preku o Internacionalno dive e Demokratijakoro.
Akava specijalno dive isi le bashi cel te promovirinel o osnovna vrednostija e demokratijakere em te potsetinel o vaznost taro gragjansko ucestvo ko kreiribe politicko odlukenge.
O internacionalno dive e Demokratijakoro tano kerdo tari strana taro Obedineta nacije ko 2007 bersh te shaj te promovirinel em te zojrarel o demokratska vrednostija ko celo sveto. Akaja data tani birimi ko cest tari godishnina e Univerzalno deklaracijakiri bashi manushikane pravija, istorisko dokumenti prifatimo taro generalno sobranie taro Obedineta Nacije ko 1948 bersh. Akaja deklaracija naglasinela o vaznost e manushikane pravonge, manushikano dostoinstvo em sloboda, kljucna aspektija ki demokratija.
Demokratija bazirinela pes ko osnovno princip deka i vlast pripadinela e narodoske. O gragjanija isi len pravo aktivno te ucestvinen ko politicko proces, te birinen pire prestavnikija em te doprinosinen ko formiribe taro javna politike. I Demokratija isto aghar o primati e pravoskoro, gragjanska pravija, ramnopravnost e gragjanengoro anglo ko zakoni em o phravdo opshtestvo kote o ideje shaj te izrazinen pes slobodno.
Demokratija khelela kljucno uloga ki promocija taro mir em stabilnost, o Demokratska phuvja isi len tendencije te reshinen pire konfliktija preku mirna stredstvija em te garantirinen o pravija e gragjanengere, so pomozinela ko tiknaribe taro andrune naponija em nasilstvo.
Sepak, i demokratija na dzala bizo predizvikija. Ko pobuter phuvja, i demokratija soocinela pes zagrozibaja sar soj o bajrovibe e ekstremizmoske, dezinformacija, polarizacija ki politika em o oslabibe e demokratsko institucijengoro. Akala predizvikija naglasinena i zashtita em o zojraribe e demokratsko principengoro te shaj obezbedinela pes odrzlivo avutnipe.
Dzi ko o sveto dvizinela pes sigate angle, i demokratija produzinela te adaptirinel pes em te razvijnel pes. Informaticka em komunikaciska tehnologije phravge neve vaznostija bashi o gragjansko ucestvo em transparetnost. Sepak, ola isto aghar sozdajnge predizvikija ki zastita taro privatnost em i manipulacija e javno mislibaja.
O inernacionalno dive e Demokratijakoro tano moznost e Vladenge, megjunarodna organizacijenge, gragjansko opshtestvo em e gragjanenge taro celo sveto te obedinen pes em te razmislinen sar shaj te promovirinen em te zashtitinen i demokratija. Adava isto aghar tani em moznost te potsetinen pes deka i Demokratija nane zavrshimi, tuku neprekinato kova rodela angazmani sarinendar.
About Author
More Stories
8to April: I Romani Nacia Afirmirinela Piro Suvereniteti
Nevi bi-bah ki Komuna Shuto Orizari: 17 bershengoro taro Kosovo vrdaja khuvgja duje ternen
Nashti ocekujnaja but promene, soske nane amen Politicko Kultura !