février 28, 2021

24h Information

“You cannot help the Roma without the Roma.”

Zeljko Jovanovic « Amen pomozinaja kozom shaj, o problemija tane pobare taro amare mogucnostija »

Avdijer ko piro Fb profili o Rajo Zeljko Jovanovic Izvrshno Direktori taro Roma Initiatives Office taro Berlin, vakerga kozom em sar ola pomozinge ko akala phare momentija e Romane zaednica preku razna akcije kerde.

« Pomozinaja amare manushen ki Shuto Orizari keda i naj pharo. Ko vakti taro dujto brani Covid-19 o broj taro nasvale em mule sine but pobaro ki Sutka nego ko javera thana ko Skopje thaj Severno Makedonija. Akana i situacija stabilizirinela pes, ama o opasnost panda tano othe. Zaedno e dizutnengere inicijativaja AVAJA pomozingem amare manushen te organizirinen pes ko brza reakcije ki akaja kriza e naj hitno potrebencar em ko javera thana, skoro 20 Opshtine ki Severno Makedonija. Adava isto kergem le em ko javera 150 opshtine ki Srbija, Italija, Ruminuja, Albanija em javera phuvja. Amen em javera organizacije pomozinaja kozom shaj, ali nane nisave shance te reshina sa o Romane problemija soske tano but pobare nego amare mogucnostija. Na smijnaja te bistra deka i naj bari sila em odgovornost tane ko vasta e drzavake kolake sarine doprinosinaja platibaja porezija em glasinaja liderenge kolenge so daja i naj bari mok em odgovornost te reshinen o problemija sa e dizutnengere. Adaleske mora but poshukar te organizirina amen te shaj amare narodoske ovela poshukar, a odoleja em celo drzavake te ovel poshukar, BAro pozdrav mire phralenge, phejnenge thaj prijatelenge tari Sutka » Pishinga o Zeljko Jovanovic ko plo fb profili.