Intervju e Romencar tari Dijaspora Sulejman Dzemail

Avdije keraja Inervju e Rajoja Sulejman Dzemail, Rom tari Makedonija kova so Zivinela ki Italija em tano pendzardo Romano aktivisti thaj Facebook pendzardo manush.

RN: Shukar Dive Sulejman ov sasto so leja tuda delo taro akala intervju so kerela len o Roma News e Romecra tari dijaspora.

SDZ: Shukar dive tumenge da em sa okola so ka citinen

RN: Dali shaj te vakere amenge sar prvo kozom bersh sar zivineja ki Italija ?

SDZ: Me zivinava povishe taro 25 bersh ki Italija ko gradi Milano me familijaja.

RN: Dali sijan drzavljani e Italijakoro ili ikergan to Makedonsko drzavljanstvo ?

SDZ: Andrijano sar so dzaneja tu em o Roma kola so pendzarena man, me sijum jek baro patrioti prvo e Romenge pa e Makedonijake, te odgovorinav ko to puchibe me sijum gordo Makedonijakoro Rom em ikerava o drzavljanstvo e Makedonijakoro.

RN: Soske ikereja o Makedonsko drzavljanstvo keda vec zivineja ki Italija upreder 25 bersh?

SDZ: Sarine dzanaja deka iklilem tari Makedonija bashi Ekonomsko situacija, alem ko stranstvo te shaj daja poshukar prosperiteti amare chavenge, ama ako pucheja ma licno mande, ako zivinava ki italija na sijum italijanco me sijum Rom tari Makedonija em mislinava panda nesave bersha te iranav man te zivinav em te phujrovav ki amari Makedonija ki Sutka.

RN: Dali tuke vazno o naredno Popis so ka odrzinel pes ki Makedonija

SDZ: Sar nane vazno, amenge e Romenge i but vazno te shaj ovaja sar 3to zaednica ki makedonija te shaj ovela amen pobari vidlivost te dobina amare pravija ko sistem.

RN: Isi problemi e Romencar kola so taen Roma a na vakerena pes sar Roma, so ka phene lenge ?

SDZ: Adava tano jek baro problemi, ama akava puti ako adala so na vakerena pes Roma mangena panda te ovel len isto zivoto ili te bajraren javere zaednicakere broja neka achon khoraja, chibane gadze, ama akop mangena te dzal anglal o Romano identiteti Vreme tano te ikljon ko akava popis em te vakeren pes sar Roma.

RN: Ako ovaja pobaro broj taro nakhlo popis, so ka dobina?

SDZ: Sar prvo ka ovel amen po bari politicko tezina, ka dobina ko respekti ko ugled.

RN: Tu sar Rom dali sijan zadovolno tari politika Romani so vodinela pes ki Makedonija?

SDZ: Dik, sa dzi kote amen o Roma delinaja amen ko razna strane nashti nisto dobinaja, soske sekoja partija Romani dikhela pe clenenge ili familijake, vreme tano te da amen vas vasteja te cida i ljubomora te pratina sarine o Romanipe jekhe lidere kova so cacel ka ovel ezaednicake, trebola reforma ko partije te da shanca e terne ucime chaven, ma te garaven pes te da len motivacija te dzan angle soske ola tane o avutnipe amare zaednicake.

RN: Roma News

SDZ: Sulejman Dzemail

andrijano

See author's posts