Erati ikerge pe o vondredna sovetnicka izborija ko Tetovo, kote so sine em Romano kandidati o Ajdogan Ibraimi tari Partija PCER thaj podrzimo tari Avaja thaj Sonce.
Jek vakerena o Roma dobinge poraz, i javer strana vakerla dobinge lekcija, no i 3to da opcija trebola te dikha la koja tani deka iklilo Romano Juda kova so kinabaja e naj chorole romane klasa chivga la te glasinel Makedonsko partijake, thaj em adaleske iklilo akava tikno broj taro glasija e Romane Kandidateske.
O Romano glasacko telo ko Tetovo tano negde 1500 glasacija, kola so isto aghar khelga faktor o tikno broj taro Izlezenost, kova so te shaj sine te ikavel pe Romano Sovetniko valjanga naj hari 65 dzi ko 75% o Roma te ikljon thaj te glasinen.
Adava na slucinga pe shaj poshto sine but bijava ko Tetovo pa po vazno sine te dzan ko frizernice thaj te spreminen pe, namesto te chiven i Romani kauza ko prioriteti.
Dujto buti isto aghar so trebola te analizirinel pes tani, kozom romane glasija gele ko Makedonska partije taro Romane agitatorija kola so kerge adale partijenge buti.
Sar i te ovel, o chachipe i adava deka sar zaednica isi amen panda but baro drumo dzi te resa ko adava patriotizam Romano so vajeraja le sarine, akala izborija em panda javera so nakhle trebola te oven amenge predmet bashi analiza, kote i o greshke so trebola zaednicko te kerel pe buti te bi shaj postigninela pes i patriotsko kauza, a adaja kauza tani so povishe Roma te oven vkljucime ko lokalno ili nacionalno odlucuvacka institucije.
Nashavgem OJA, ama akala 400 Romane glasija sikavge od prilika i slika ko tetovo koja tani i Sila e Romane glasongiri so shaj ko naredna izborija te pregovorinel pes, soske akala 400 Romane glasija shaj anena sine panda 2 sovetnikija bashi o VMRO ili o SDSM pa cak sto vise e Levicake o Romane glasija shaj anena sine 1 sovetniko (osvojnge 0 Sovetnikija).
Sar zaednica trebola te dikhel pes, keda isi asavke alusaribe 1 Romano kandidati, na trebola te dikha koj besela pali leste nego trebola te chiva amaro patriotizam em te podrzina Rome, ama amen sijem panda dur adalestar, soske po gudlo amenge keda ikerena o thava o Gadze upro amende.
More Stories
O Romane glasacija borinena pe protiv i mreža e korupcijakiri, simbolika thaj Rasizam: Itno appel bashi cachutni sistemsko promena ki Bugarija
Palo dendo propozalo taro Netvorko sistemsko faisalenge suportime si i Incijativa bašo formiribe Romani platforma ko sasoitno pozicioniriba ko procesi bašo pregovoria ko membripa an i EU
Mensur Haliti: O priznajbe taro Holokaust upra ko Roma, mora te ovel phanlo olengere napredokoja