O potikne Politicka partije rodena jek izborno edinica, bizo izborno prago, phravde liste em proporcionalno modeli, kova so ka pridonesinel bashi popravicno zastapenost i volja e narodoskiri em phagibe i dominacija e bare politicko partijengere. Dzi kote avela asavko izborno modeli i Makedonija ka dobinel po bari demokratija, bajrardi transparentnost, po efikasno izborno modeli, a o potikne politicka partije ka shaj te dobinena samo ako odova kerela pes bizo prago (konzensus) bashi khujbe ko parlamenti.
Ki sredba taro 5 pratenikija kola tane potpisnikija bashi predlog-zakon akana mart, Monika Zajkova LDP, Maja Moracanin DOM, PAvle Trajanov DS, Ljupco Balkovski VMRO-Narodna, kola tane politicka partije tari vlast, isto aghar em i opozicisko partija Leva thaj o Dimitar Apasiev vakerge deka i cel nane spas e potikne partijenge, nego ednakvost ko glasije te oven dikhle.
Akava izborno modeli em amenge sar etnicko zaednica kote isi amen potikne politicka partije ka odgovorinel amenge, ama dikhindor deka panda ni jek Romani partija na iklile pire staveja, dali tane ki koalicija e pozicijaja ili koalicija e opozicijaja, na iklile pire staveja te podrzinen jek asavko predlog zakon, thaj te sikaven piro revolti kote ko sa adale bershengere izborija ki Makedonija nane amen bari Romani zastapenost ni ko parlamenti a ni pa ko institucije.
Dali na halile shukar sostar kerela pes lafi, dali pa zafatime tane pumare privatna bukjencar kote so dikhena te spasinen pi koza, edinstveno tane samo ola kola so shaj odgovorinena amenge ko akava puchiba.
Ako nashti khedena pes ki jek zaednicko platforma ko interes e zaednicake, shaj bare vazdena prashina keda kerena pes asavke diskusije kola ka oven but vazna bashi i idnina e Romane zaednicakiri.
More Stories
O Romane glasacija borinena pe protiv i mreža e korupcijakiri, simbolika thaj Rasizam: Itno appel bashi cachutni sistemsko promena ki Bugarija
Palo dendo propozalo taro Netvorko sistemsko faisalenge suportime si i Incijativa bašo formiribe Romani platforma ko sasoitno pozicioniriba ko procesi bašo pregovoria ko membripa an i EU
Mensur Haliti: O priznajbe taro Holokaust upra ko Roma, mora te ovel phanlo olengere napredokoja