Dzanaja li so Mangaja, em kaj Dzaja ?

Dzanaja li so mangaja, em kaj dzaja ?

Sar zaednica isi jek fenomeni ki amende si uvek vakeraja « abe ov nane shukar » bizo te dokazina soske nane shukar, em so trebola te kerel pes posle odova na shukar adale manusheskoro.

Ki RSM, isi amen barooooo problemi, sar so vakerga o Nezdet Mustafa ki neve bersheskiri programa Bijandipe ko 90ta bersh « Perijan avela amenge jek baroooo Misafiri » mislinga ko Ramadan Ramce kova ki visina na sine but baro, nego sine baro giljavutno.

Isi li amen kapacitetno reshenije sar shaj reshinaja amaro Romano problemi ki RSM ?

Isi li amen hrabrost te la o problemi ko vasta em te reshina le ?

Isi li amen kadar sposobnost, te ikava e zaednica tari chik ?

Ili isi amen sposobnost te prilagodina amenge, sar politicka partije aghar em Nevladina organizacije, kola so ko piro buti keribe taro 100% dikhena 80% sar ola financisko te opstojnen a 20% sar te pomozinen e zaednica.

But i bitno amen avraldan so dikhaja, te koregirina lengere svesna greshke, ako ola nane sposobna (na prifatinena), onda trebola te mukhen than JAVERENGE ma te zivina ki DEMOKRATURA, ama pa adala da « javera » isi len li hrabrost te ikljon ko fronti em frontalno te afrontirinen o Romano problemi, ili pa polokheste tano te ove gledaci namesto akteri ?

Trebola li prvo te besha te razmislina shukar, So mangaja, em kaj mangaja te Dza ?

Dzi tegani…..

andrijano

See author's posts