Soske ?

O Pucibe Soske achilem o Roma palal tano but baro, kote so dikhaja uvek i krivica te frda la jek upra javereste. Dikhindor i aktuelno politicko socijalno situacija e romengiri ko pobuter drzave kote so zivinena o roma tani haoticno ili pa katastrofalno, no ajde te puca amen SOSKE?

1. O na Roma (Gadze) ange amen ki asavki situacija, kote so cidinge o fokus pire greshkendar, chivge e Romen ko kafezi thaj mashkar peste te akoshen pe ili te konkuririnen kova adava lenge but shukar odgovorinela.
2. Skoro sekova jek Rom avdije so isi le pristap ki internet konekcija tano ili Analiticari, Politicari, Eksperti, Sociologo em panda but javera bukja.
3. Tocno tano deka dende tane but pare ko anav e romane inkluzijake thaj ednakvost, pa amen o roma shungen bashi nesave cifre povishe nulencar i automatski napadinaja amen mashkar amende o Roma, a na pucaja amen koj hala o naj baro kotor tari EU Torta kote so direktno o drzave lena adala pare, pa posle preku nesave program proektija dena e romane nevladino organizacijenge te keren ko teren buti thaj te sikaven e evropake deka i drzava podrzinela e romen, a isto aghar ma te bistra deka baro broj taro adala proektija tane financisko manipulirime kote so bashi adava bi realizirimo proekti ko teren o roma na dzana po angle.
4. Ko Numero 3 vakerela pe deka o Nevladina organizacije lena proekti, pa adava phravela baro apetiti javere da romenge ola da te phraven Nevladino organizacija « Pa olada te han, soske ov te hal me na »
5. I romani politicko elita so sine ko palune 30 bersh dikhle povishe pire tesno krugoske (Osven nesave poedincija so sikavge rezultatija ki romani politika) nego e narodoske, kastar so lengiri maticno partija sine podrzimi em glasimi taro Romane glasija.
6. I EU kerga nevi strategija bashi o naredna 10 bersh koja so pocminga vec 20/30, pa zar ko palune bersha na sine ande strategije ili Dekade ? Ah ma te bistra oja sine ama koj vodinga lencar em koj upravinga.
7. Isi amen terno thaj visoko obrazovno kadar ( Oja lendar da isi samo bendisana, kolenge te doblizine tut mora te le termini ili pa te buljare lenge lolo tepiko) trebola lencar da te konsultirina amen soske shaj isi len citimo nesavo lil ili pa sine ko nesavo seminari hem siklilo nesto so amen na dzanaja.

Epa akana achola sekoj tumendar te pucen tumen SOSKE, hem o naredno tumaro cekori ili lafi te ovel  » Sar shaj pridonesinava me nesto mire zaednicake »

andrijano

See author's posts