Kashuke thaj Lalore bashi o potrebe e Romane zaednicake, o Roma pucena pes dzi keda ka achoven samo dekoracija ki Drzava RSM.
Vakerena jek opshtestvo ama kaske? BUT puti pucava man dzi keda ka achova kashuke thaj lalore bashi sa so slucinela pes amencar thaj okolu amende. I Romani zaednica sar hem lengiri politicko ednakvost tani ko margine. 8to Romane politicka partije, sarinendar tumendar ni glaso ni traga, dzi keda? Panda li ka adzikeren ki milostina tari aktuelno vlast ili adzikerena ko direktorska thaj zamenik direktorska thana kola nane te oven olenge bitna ili vazna bashi o DUI thaj i Koalicija predvodimi taro SDSM, amenge ka oven bitna, adaleja sop ka ispolninen pes tumare suetna potrebe, « Ladzan tari tumari zaednica »
Muli i romani zastapenost, prevarime, hovavde thaj izmanipulirime bash tumendar em taro tumare phrajla ki koalicija, o jek denge nedobitna pratenicka thana javera kaske tumen dengen tumari podrshka ki aktuelno vlast adaleja chivgen e romane zaednica ko karamluko thaj ki tishina. Kaske tumen postojnena, registriringen partije, tajsa kastar ka roden doverba thaj hango, isi tumen li muj sar palem ka beshen angla ko hovavde, chorole roma te den tumen pi doverba SAR?
But ne jasno, kotar tumen sar liderijsa sijen kashuke thaj lalore ama isto aghar tumare da aktivistija thaj simpatizerija kola panda isi len doverba ki tumende deka nesavo dive ka ovel but poshukar, vakti tano taro tumare redija thaj clenija te pocminel i nevi era sar i svezo energija bashi poinakvo evropsko politicko aktivnost.
Oja, dzanava deka but tumendar tane hem mire amala thaj pendzarde, taro avdije ka ispitinen pi sorabotka mancar palo havljaribe tari isto zagrizenost, OJA Phrajlalen adavqa sijum me, ama nashti te fokusirinav ki amari postavenost ko akava opshtestvo korkori amendar hem taro okola kola so trebola te oven najglasna ama ko momenti tane ko LER.
Te podsetinav tumen DUI najavinga 640 vrabotuvajna e Chibanenge ki administracija. E KAJ TANE AKATE O ROMA? (Jek opshtestvo sarinenge) Sikavela pes deka ko javer kurko ocekujnela pes te ovel havljardo o oglas bashi vrabotuvajne a adava potencirinela samo e Chibanen ki administracija, normalno o izvor tano taro DUI, em postavinela pes o puchibe KAJ TANE O ROMA. Taro vkupno broj achona taro 150 dzi ko 160 slobodna thana, ako spomninela pes i statistika ko posledno popis, o Roma tane tane zastapime 2,6 procentija e akana mire politicka amala beshen em naj ki tumaro shero thaj keren tumari matematika, vakti tano te vazden tumaro hango thaj cactutne te roden eednakvost e romengoro ko opshtestvo ako isi tumen hari griza ko sovest. Akana puchava tumen sar romane politicka liderija, aktivistija sovena li mirno, puchava kaj tane tyumare vetime izborna lafija : pratenikija, direktorija, vrabotuvajne, rakovodna pozicije ki zakonodavno thaj izvrshno vlast. Cacipnaske akana adala adala tumare vetime izborna manipulacije e romenge samo ko SUNO shaj te ovel lenge realnost.
Sikavgen tumen slaba pregovaracija, phage kicmencar slaba duri tumare licno pozicijenge kolenge uvek soninena sine, thaj sine tumare rodiba ko avgo plani, ama za zal adava avdije na ozvozmozinela pes tumenge.
Mangava tumenge shuzo em lokho evendaskoro suno thaj o devel tumencar, o devel ma te dzangavel tumen taro akava suno adaleske ako ushtingen taro suno nisto shukaripe na ka keren tumare, odnosno amare romane zaednicake.
Amare phure sovljarena amen sine e giljaja » Nani Nani Mo Chavo »
Pishinga ki Gadzikani chib Guner Abdula
Prevedinga ko Romane Andrijano Dzeladin
About Author
More Stories
Besljum em dikhljum tari strana, so kerena amare LID(L)ERIJA !
Mickoski, « PING-PONG » politika kereja e Romencar !
Medziti: O Ustavna izmene achona prioriteti, ama e megjunarodno zaednicaja ka kera buti te dobina neve garancije