Reshime li sa o Romane problemija, ili haos ki Severno Makedonija ?

Taro ne politicko aktivnost ki Severno Makedonija, puchaja amen dali sa o problemija e Romane zaednicakere tane reshime, ili politicko nesposobnost thaj Haos ?

O angazmani trebola te ovel 365 dive ko bersh, a na 40 dive ko 4 bersh keda tane samo o izborija em keda rodaja i zaednica te chivel amen ko komotna pozicije.

Ama dikhindor deka momentalno sar Romane politicka akterija nashavdile, thaj nane nisave politicka predlogija dali taro partije soj ki vlast ili soj ki opozicija, o Roma sekova dive soocinena pes razno institucionalno problemencar, kote so shaj em trebola politicko te reshinen pes.

Problemija isi amen ko obrazovanie, socijala, domuvanje, ne-ednakvost, vrabotuvanje etc. Ama o politicko vakti achilo ko than na mrdinela, dali soske nane len sposobnost ili pa zavrshinge pumaro pazarluko ko izborija, pa adzikerena o naredna izborija te shaj pale kerena momentalno pazarluko kova pale ka ubedinen e naj zagrozime kategorija nesave denareja ili pa korupcijaja.

O politicko buti keribe ki Severno Makedonija, nane maribe em khedibe hrabrost te oven faktorija te promeninel pes i situacija e Romengiri, thaj so posig adala lengere blanco strategije em akciska planija te oven realizirime.

Ola dikhena te arakhen jek problemi te dzan ki zaednica thaj te izigrinen Heroja taro crtana filmija em te afirmirinen pes samo ko live ko socijalna mreze kote edvaj like chivena lenge lengiri familija, pa palo adava te vakeren akava ov so kerga nane shukar, a bizo te vakeren so ola kerge ili shaj kerena poshukar adalestar.

O Roma nane vishe marionetke kote so shaj te vodinen len sar so vodinena len sine ko tumare glumacka teatarska prestave, akana i zaednica halili ili rodela rezultatija ili oven sigurna ko naredna izborija ka dobinen naj bari politicko blamaza kote so edvaj ka oven tumen oo 500 glasija.

andrijano

See author's posts