juillet 7, 2022

24h Information

"Nashti uvek te slozina amen olencar, ponekad mora te ova protiv olende"

Investicija ko phravibe tari nevi Evropsko Romani Fondacija

Ko palune 30 bersh, i Fondacija Open Society sine o glavno privatno podrzuvaci ko naporija e 12 milionija Romenge ki Evropa. Ko tek taro 3 decenije, i Fondacija podrzinge i borba bashi jednakvost thaj politicko ucestvo e naj bare thaj i najotporno malcinsko grupake ki Evropa koja so panda dozivinela o naj loshno iskljuchibe ki etnicko osnova, kova i neprifatlivo ko 21to veko.

Akana pocminela i nevi etapa, kolate o phravdo opshtestvo ka bajrarel piri posvetenost ko zastapibe thaj o promene predvodime taro Roma preko keribe nevi evropsko nezavisno fondacija predvodimi taro Roma buvle mrezaja taro entitetija predvodime taro Roma. Tela ko menadzerstvo taro Zeljko Jovanovic, momentalno direktori e Kancelarijakiri bashi Romane Inicijative taro OSF, akaja fondacija ka ovel i naj bari evropsko romani fondacija dzi akana. I Romani nezavisno fondacija, ka dobinel financisko arka taro OSF ko periodi taro 10 bersh, ka dogradinel em ka proshirinel i buti bashi zojrarkeribe o phravdo opshtestvo dzi akana.

« Barikano sijum so shaj objavinava ko Megjunarodno dive e Romane rezistencijakoro deka vazdaja amari dugorocno posvetenost e Romengoro ko sledno nivelo » Vakerga o George Soros, osnovaci em pretsedateli tari Open Society Foundations.  » Ka pomozina te izgradinel pes Evropakiri Fondacija predvodimi taro Roma. Akava tano kljucno sledno cekori ki amari investicija ko Romane liderija kola tane Barikane ko piro poteklo, posvetime bashi piri zaednica em sposobna te odgovorinen ko predizvikija ko amaro vreme. Amari podrshka e Romenge tani jek taro aktivnostija mire Fondacijengere kolaja sijum naj gordo. Ka probina te obezbedina o uspeh akale fondacijakoro. Nadinava man akava vetuvacko napor ka ovel podrzimo okolendar kola so verujnane ki Evropa bashi ednakvost thaj pravda sarinenge »

George Soros Pretsedateli taro Open Society Foundations

« Sine amen suno, nadingem amen em kergem naporno buti dzi ko akava momenti. Palo 30 bersh tari programa e Romenge ko ramke taro Open Society kola pionersko em razvinena o glaso em o liderstvo e Romengoro, akana sijem spremna te gradina em te vodina celosno osnova, astaribaja ko razlicna evropakere phuvja », vakerga o Zeljko Jovanovic

« Amaro cel tano te izgradina bi dikhlo samo organiziribe e Romengoro em politicko ucestvo, aghar so amare glasija te oven shunde em te osetinel pes i sila ko anav e nepravdakiri em i ednakvost sarinenge ki Evropa. Akaja nevi osnova ka phandel pes ko nasledstvo taro phravdo drushtvo em ka proshirinelo Romano liderstvo te shaj kerela poshuzo avutnipe e Romenge, amare drzavenge thaj e Evropake »

I nevi Romani fondacija predvidinela te ovel celosno operativno em te startujnel ko Oktomvri 2023 bersh.

I Fondacija ka izgradinel em ka razvinel piri mreza ko evropska inicijative predvodime taro Roma, aktivno podrzime taro OSF em javera finanserija, vkljucitelno: o Roma Edukativno fondi, Romano Instituti bashi Art thaj Kultura, Inicijativa bashi razvoj e Romane bizniseskoro, o nacionalno romane dvizenja ARESEL tari Rumunija, Opre Roma Srbija, Khetane Italija, Postojana konferencija e Romengiri ki Bugarija, AVAJA ki Severno Makedonija thaj javera.

Source: https://www.opensocietyfoundations.org/newsroom/the-open-society-foundations-to-invest-in-a-european-roma-foundation?utm_campaign=osfacct&utm_medium=referral&utm_source=facebook&fbclid=IwAR3O-tq86go6khEOYHqpzHlNtTEVVM-dsdnmfbWYk_HG94QZpSm62KPxOtY

Keren Follow amari Facebook Strana Roma News

Keren Like em Follow ki amari facebook Strana Oven Saste


This will close in 30 seconds