O Romane glasacija borinena pe protiv i mreža e korupcijakiri, simbolika thaj Rasizam: Itno appel bashi cachutni sistemsko promena ki Bugarija

Taro Mensur Haliti fondatori e fondacijakiri « Roma bashi Demokratija« 

O naredna izborija ki Bugarija prestavin ena ključno momenti bashi političko kriza ki drzava em lakere Romenge.

But vakti o Roma sine sistematsko isključim taro majnstrim politike thaj mukhle ranliva ok olenge ki vlast.

Sepak, pojavinga pe neve antikorupciska partije kola nudinena politike save nudinena nada bashi promene. Ako lengere naporija tane falibaske, ola mora te priznaj en deka o sistemska državna neuspehija tane neraskinlivo povrzime e Romane mukaja em rođena seopfatno pristap bashi reshenie.

Ako na kerela pe adava, rizikujnela pe te ovekujnel pes i antiromani korupcija, simbolizam thaj o rasizam.

O rezultatija taro izborija ka odredinen o trajno napredok em stabilnost e Bugarijakoro em dali i drzava cacheste shaj te ovel inkluzivno thaj fer demokratija koja prestavinela sa pire dizutnen.

O Roma odbinena vishe te oven marginalizirime em reshime tane te usporinen o status kvo te shaj e te shunen lengoro glaso. Achola e politicko klasake te pendzarel lengiri sposobnost thaj reshitelnost em te keren buti ko poinkluzivno thaj pravedno sistemi.

Decenijencar, o Roma sine izolirime thaj obespravime taro etablirime politicka partije, so angja dzi ko brojna negativna posledice em e Romenge a em bashi o opshtestvo ki celina. Akava iskljuchibe angja dzi ki dominacija taro antiromano chustvo, kotar so 80% taro Bugarija izrazinge mangin te na koegzistirinen e Romencar, a skoro ekvash olendar mangena ola te napushtinen i drzava. O ekonomsko sistemi na uspejnga te obezbedinel sigurnost e Romane rabotnikonge, so anga dzi ki diskriminatorska bukjakere praktike, ekstremno chorolipe ko Roma em bare ekonomska zagube e drzavake.

Nedostatok taro investicije ko ekonomikanoko ukljuchibe e Romen samo vloshinga akala problemija potencijalno ekonomsko zagubaja dzi ko 306,7 milijarde levija ko sledna nekozom decenije.

Obrazovanije isto aghar tano vazno puchibe, soske o chorolipe thaj o veznemiribe sprecinena bute Romen te ovel len pristap ko obrazovanie kova i lenge potrebno te shaj te uspejnen.

Sa akav kerga ciklus e chorolipaske kova phareste chinavela pe em zagrozinela lengiri dolgorocno ekonomsko stabilnost thgaj socijalno mobilnost. I kriza bashi domuvanje phareste pogodinga e Romen, ko te so jek cetvrtina taro Roma dzivdinen ko neformalna stanija em upreder 200.000 khera tane izlozime ko rizike bashi iselibe. Pasheste 17% taro kherutne troshinena povishe taro 40% taro piro prihod bashi o domuvanje.

I loshno zdrastveno situacija sine la znacitelno vlijanie upra ko Roma, nedostatok taro osiguruvanje, skupo participacija thaj dugacka periodija adzikeribaske kova rezultirinela ocekujme dzivdipaskere vekoja taro 10-15 bersh po hari nego okola javera gragjanija.

Konecno, o iskljucibe taro politicko ucestvo, korupcija em nedostatok tari zashtita taro sprovedibe o zakon em o sudstvo isi len shtetno efekti upra ko demokratska pravija e Romengere ki vlada em kontinurano ciklus iskoristibaskoro.

Pojavibe taro neve antikorupciska partije ki Bugarija tano nada znako bashi politicko posvetenost.

Sepak, akala partije mora te pendzaren o dlaboko vkorenime sistemska greshke kola ange dzi ko iskljuchibe thaj odfrlibe e Romen.

Podelno pristap kova fokusirinela pe samo ko antikorupciska merke nane te ovel dovolno. Namesto adava, potrebno tano buvlo pristap kova ka povrzinel i korupcija, simbolika em o antiromano rasizam po buvle reformencar. Akava znacinela lejbe hrabra aktivnostija bashi spravibe e ekonomsko iskljucibaja, ne-ednakvost ko obrazovanie, kriza e kherutnipaja, sastipaskere razlike em o politicko iskljuchibe kolencar soocinena pes o Roma.

O simbolicna gestija, nanibe hrabrost em ignoriribe akale puchibnjaskere samo ka zojrakeren o status kvo situacija em ka ovekovecinen o iskljuchibe e Romengoro.

Samo vazdibaja o svest taro obem akale predizvikongoro em osvojibe e holisticka pristapeske shaj te doresel trajna promene em e Romenge em bashi o Bugarsko opshtestvo ki celina.

Ko akava kontekst, sa po baro broj Roma odbinena te prifatinen lengoro iskljuchibe em reshime tane te osporinen o status kvo za da te shunen lengoro glaso. Za da te anen promene, i Postojano konferencija e Romengiri pochminga piri kampanja « O Roma bashi izborno integriteti », prvo masovno samoorganiziribe e Romengoro ki po nevi istorija. Akaja mashkarpartisko strategija bashi zojraribe isi la cil te organizirinel e Romane glasacen, te obezbedinel olenge informirimo izbor em te generirinel podrshka taro klucna izborna edinice te shaj te vljijalnel ko politicka promene. I inicijativa spreminela pe te chivel krajo e cukluseske bashi omraza, diskriminacija em chorolipe so muchinela e Romen ukljuchibaja ko grasroot naporija bashi mobiliziribe e Romane glasacenge. i Kampanja isi la bashi cel te chivel krajo bashi kinibe glasija, daravkeribe em o izmame kola podkupinena integriteti thaj legitimiteti e izborengoro.

O naredna izborija nane tane samo natprevar mashkar o vospostavime thaj o neve antikorupciska partije, nego odlucuvacko borba bashi sushtina e bugarsko demokratijake. O Roma bajagi vreme sine iskljucime taro pozicije e silakere, gurime ko margine e politicko dzivdipaske em tretirime sar obicno simbolija ili pionija ko korumpirimo sistemi.

Ama, nashti vishe kjutinaja.

Mora te vazda amaro glaso em te ova delo taro demokratsko proces te shaj sprotivstavinaja amen e sistemeske tari antokorupcija em rasizam kola ikerena amen but vakti. Amaro kolektivno delujbe ka rodel pocit em dostoinstvo kova so sledinela amenge sar ramnopravna dizutne.

Akate na kerela pe lafi samo bashi glasibe kerela pe lafi bashi MOK em keribe poshukar avutnipe amenge thaj amare chavenge.

I kampanja tari Postojana konferencija e Romengiri tani moznost na samo te sprotiv stavina amen bashi o sistemska neuspehija, tuku em khdibaskoro krik sa e Bugarenge te keren buti bashi poinkluzivno em pravedno politicko sistemi.

Ko akal vaktija taro baro neizvesnost, i bugarsko politicko klasa mora te svatinel i urgentno potreba tari nevi vizija koja promovirinela obedinimi Bugarija, kote so pocitujnela pes i razlicnost sa e dizutnengiri em obezbedinela pe olenge pravicno mashkaripe.

Akava rodela bari posvetenost bashi promoviribe e istorijakiri, kulturakiri em umetnost e Romengiri, podrshka bashi o romano pretpriemnishtvo ko zeleno em digitalno sektor, obezbedibe pristap dzi ko kvalitetna programe bashi o obrazovanie em obuka bashi o Roma, zashtita taro lengere politicka slobode em spravibe e puchnibancar bashi korupcija em o iskljuchibe tari bugarijakiri politika.

Akala investicije tane neophodna te kerel pes avutnipe kolate sa o Bugarija ka shaj te uspejnen em te uchestvinen ko politicko proces.

Prifatibaja tari inkluzija, razlicnost em tolerancija, i vlada shaj te phravel o drumo dzi ko posvetlo em popravedno avutnipe sa e Bugarenge.