Ajde Romalen o pazari napadibaske em kritikenge tano phravo, akana shaj tumare komentarencar pishinena loshna bukja dzi mande ili pa dzi ki akaja kolumna.
Ama sar so vakerena o FRANCUZIJA « je m’en fous« ili pa sar so vakerela o Disho tari Ajgara Bend « IC ne mi puka »
Vekoncar o zaednice dzana angle, vekoncar i tehnologija unapredinela, vekoncar amen o Roma achilem ko jek than, oja akana ka vakeren » sar be achilem ko jek than, isi amen akana Doktorija, Inzinerija, Biologistija, Vetinarija etc », Oja isi amen poedinacno ama napredok sar zaednica nane amen.
Ake ko avela o Lafi EGOISTICKO, soske adala da so isi amen jek puti ko nesave pozicije bistrena pes kotar avena tari koja zaednica pripadinena, isi len promena odma ovena Makedoncija, Amerikancija em em em .
Ama nisar te achoven Roma em te iranen pire zaednicake, sar so kerena o javera zaednice sirom ko sveto, kote isi len has cachutno identitetsko IDEOLOGIJA pred te ovav advokati sijum Rom, pred te ovav doktori sijum Rom, Pred te ovav sluzbeniko ki administracija sijum ROM, Greshinava li deka sijem EGOISTIJA ?
Sekova jek cekori so ka kerel le nekoj mashkar amende, odma sar ruva mukhaja amen ko napad te sprecina le em te unishtina le, na vakerava deka na trebola adava te kerel pe, ama te kerel pe manushenge kola so zloupotrebinena i pozicija kolake tane pretpostavime te shaj pomozinen pire zaednicake a na te khuven ki kategorija taro EGOISTIJA.
Chinavaja amen taro dzandipe ili taro bi-dzandipe? Akava tano jek taro naj baro puchibe so trebola te pucha amen, nane amen konstruktivno ljubomora kompeticija, isi amen destruktivno ljubomora em cekorija.
Ki Muzika, ki politika, ki religija, ko sport, ko bijava, ko khera, ko vrdija em panda ko but javera bukja isi amen negativno razmislibe, te podrzina adale so cache mislinela pire narodoske, AMA….. isi li amen manusha kola so mislinena e narodoske, adava so kerena le i borba so vodinena deka cache tani e narodoske ?
Nikoj na phenela nekoj te na ovel platimo adale bukjake so kerela la bashi ake te unapredinel e zaednica, ama na te platinen tumen kolosalno cenencar, na te koristinen o sistem tumare komocijake dali ki politika ili ko nevladin sektor.
« MA koristinen o sistem tumenge, nego tumen oven korisna e sistemeske »
Bershencar shunaja isto melodija « mora te kheda amen o roma ko jek than » soske nisar nashti khedena pe ko jek than o roma ? EGOIZAM ?
Kapaciteti, dzandipe, veshtine, narativija, kadar isi, samo volja nane, nikoj na mangela te kerel buti bashi IDENTITETSKO IDEOLOGIJA, o ROMANIPE angleder sa, prvo o Romanipe pa posle me vrdija me khera me bazentija,, me Restorantija, me Odmorija kratko i jasno mli komocija.
Ajde akana pishinen so mislinena, ako greshinava me sijum manush so dzanela te priznajnel pe greshke em te prifatinel konstruktivna lritike bashi po shuzi nasoka ko miro buti keribe.
Ama akava soj i pishimo tanoo o chachipe, akaja da kolumna ka ovel chitimi em bisterdi sar panda buuuutttt javeraaaa soj pishime,
« silaja nasti jevendaske te ane o kham »
More Stories
Distopija taro Šarlatanija: Otkrijbe e izmamnicko Kameleone tari Romidija
Olada na dzanena soske gele em soske ucestvinge !
Me mangava samo te vakerav – Sar te pocmina te kera jek Romani sila em te ova zorale ?