Ko 27.01.2023 O Mensur Haliti denga intervju bashi Vojvodinakiri Radio thaj Televizija, kote so ko dive e pamtibaskoro taro holokaust upra ko Roma vakerela deka o priznajbe mora te ovel phanlo e Romengere napredokoja.
Beograd- Direktori ki Kancelarija bashi Romane inicijative ki fondacija bashi phravdo drushtvo Mensur Haliti soopshtinga deka « O priznajbe taro Holokaust upra ko Roma, mora te ovel phanlo olengere napredokoja.
« Nashti sprecinaja o drzave te koristinen amaro sekavanje bashi lengere cilja, ama shaj te demonstririna kolektivno sposobnost te transformirina adava setibe ko realna em sushtinska promene amare zaednicake »
Isto aghar vakerga deka i exterminacija e Romengiri ko 2to sumnaleskoro maribe naj cesto tano odsutno taro shkolska programe em tari historiografija e nacisticko genocideske, em deka o Roma trebola te puchen pes sar te sprecinel pes i Istorija te povtorinel pes.
O Haliti mislinela deka o drzave koristinena o komemoracije te shaj sikavena empatija e mudardenge, ama bistrena e dzivden em navedinela deka taro osvojibe e Konvencijakiri taro ON bashi kaznibe em chinavibe e zlostorstvoskoro genocid ko 1948 bersh, o imot e Romengoro, vrabotuvanje, ustavna thaj manushikane pravija na sine pocitujme ko evropska opshtestvija.
« Bashi jek dive komemoracija i drzava ignoririnela 364 dive taro ponizibe, maltretiribe, nasilstvo em mudaribe e Romen ki celo Evropa. Te gradinel pes spomeniko, isi 1.000 unishtibe Romane khera ko evropakere phuvja »
Navedinela o Haliti em ukazinela deka o anti-romano nasilstvo legimitizirinela pes preku demokratsko alusarde ekstremno desnicarska grupe. Jobik ki Ungarija, Ataka ki Bugarija, Lega Nord ki Italija, Kotleba ki Slovacka.
Ov tvrdinela deka ki Ungarija em ki Slovacka praktikujnela pes segregacija e Romane chavenge ko shkole em kerela pes prislino sterilizacija e terne Romananjenge, a dzi kote ki Germanija nasilno iranena pes baro numero Roma ko Kosovo.
Haliti potsetinga deka o Evropakoro parlamenti anga rezolucija kolaja povikinela pes o priznajbe o 2to avgust sar megjunarodno dive e Holokausteske upra ko Roma em istakninga deka mora te smeninel pes o narativi bashi o holokaust upra ko Roma.
« Panda sijem dzivde te svedocina, adava i adaleske so sikavgjem izdrzlivost em otpor angleder, ko vakti em palo holokaust. Akala faktija ki bari mera tane ignoririme ki tradicionalno istoriografija, kote o Roma tane prestavime samo sar zrtve », zakljucinela o Haliti ko akava intervju.
O orginal intervju bashi RTV shaj arakhena le ko akava linko https://www.rtv.rs/sr_lat/drustvo/haliti-priznavanje-holokausta-nad-romima-mora-biti-povezano-sa-njihovim-napretkom_1412416.html?fbclid=IwAR2OVI_SDQUFxTXCDoWS6VOsci-8TIWPIxYKDJZBT5QVF39EEeI-99jPCks
More Stories
Palo dendo propozalo taro Netvorko sistemsko faisalenge suportime si i Incijativa bašo formiribe Romani platforma ko sasoitno pozicioniriba ko procesi bašo pregovoria ko membripa an i EU
2023, Pocetok e Krajoskoro !?
Zlatno 2022 bersh bashi o ERIAC, ko 8to thaj 9to Dekemvri ikerba pes o 5to generalno sobranie ko Berlin