Lekoske nashti arakheja Rome ki Izvrshno Vlast !

Sar li shaj racuninaja amen Narodo, Sar li shaj dikhaja amen narodo ko Ustav e drzavakoro, Sar shaj dikhaja amen sar ramno pravna ki DRZAVA, keda lekoske nashti arakheja Rome ki izvrshno Vlast !

Ako phravaja o Ustav (kova sigurno ka phravel pe pale ko naredno periodi, bashi chijbe e Bugaren ko Ustav) andre sijemm pishime sar ramno pravno narodo malcinstvo kova isi le ista pravija sar sa o javera dizutne ki Severno Makedonija.

Ama adava tano samo ki papirologija, bashi nisave vazna odluke e Drzavake ni jek Rom nane konsultirimo (mada isi amen kadar ko povishe domenija), dali vnatreshna, geopoliticka ili pa internacionalna o Roma ki akaja izvrshno vlast tane avri taro krugo, ili pa phanle amen ki jek bari citoplazma kote panda amen sar zaednica na dzanaja te posava adaja citoplazma em othar te ikljova.

Trebola olen (Gadzen) ili amen te pucha « Soske alem dzi ko akava hali? »

Dali isi amen infekcirimi Politika ko Roma, dali amare aktuelna politicka partije (pozicija em opozicija) tane ikerde pod antibiotik e bare mainstream partijenge ?

Dali angleder bikinge amen, pa akana nane vishe so te roden dzi ko naredna izborija ?

Dali nekoj dzi akana puclja tut, man okole sar trebola te zastapinel pe o zaednicko kolektivno interes ki Severno Makedonija.

Kaj tane o vetime lafija ko vakti e politicko kampanjenge angleder ko izborija, kaj amaro zastapenost, kaj o lafi « Nikoj nashti pendzarela poshukar i Romano problematika korkori ako na o Roma », kaj tano o Direktorati, kaj tane o drzavna sluzbenikija Roma.

O balanseri nane pocitujmo, dali adava nekaske odgovorinela asavki Politicko situacija te ovel e Romencar ?

Ka besha panda li ki adaja infekcirimi (Sistemsko) Citoplazma ?

But bukja tane pishime ko zagrade ( ..) shaj te phraven pes em po shukar ka haljoven pes

andrijano

See author's posts