Kovacevski ko SDSM Mickoski ko VMRO, so ka smeninel amare Romane politikake ?

Erati ko andre partiska izborija ko SDSM, odbirimo sine nevo pretsedateli Dimitar Kovacevski, a ko kongres ko VMRO o Delegatija denge nevi doverba bashi o Mickoski.

Akala tane aghar vakerde Makedonska mainstream partije kola so vodinena i Politika barabar e Chibalane partijencar ki Severno Makedonija, pishinaja e chibalane partijencar soske o Gadzikane partije korkori nashti vodinena vlada bizo e chibane partijencar.

Beshela li nesavo dogovor 1 Sobranie aduj Vlade, soske dikhaja deka skoro pata pata tane delime o ministerska thana mashkar ko Gadze thaj ko Chibane.

Kote arakhlagovaja amen o Roma ko sa akava ? Soske amare aghar vakerde politicka koaliciona partnerija tane nevidliva ko redovno proces e politikakoro ki drzava, soske samo tane manusha kola gejnena sar kvantiteti ko lengere koalicije?

Nevo lidero ko SDSM kova ka ovel vodimo ki pozadino taro Zoran Zaev, dali ov ka smeninel piri politika prema o Roma thaj cache te nudeinel e Romenge adava soj tano dendo ko ustav thaj ko Ohridsko ramkoven dogovor o Roma da te oven pravicno zastapime ko institucije thaj te reshinel pes i problematika e Romengiri ?

O Mickoski thaj o VMRO isi len nacionalisticko dikhibe i politika, no olada probinena te aven ki vlast sar partija koja so nudinela megju-etnicko politika ki Makedonija.

Nevi faca isto politika ?

Achola te dikha akana kozom tane zorale negosijatorija amare politicka Liderija.

andrijano

See author's posts