Oja i nevi Vlada tani kerdi samo te achol ko Vlast, a na te shaj anela konkretna reshenija bashi angle dzajbe e drzavakoro.
Aghar brzinsko sostavimi Vlada nane te anel nisave promene, o poznavacija kritikujnena o nevo vladino sostav e mandatareskoro Dimitar Kovachevski. Ni o neve-purane ministerija nane te shaj te soocinen pes e predizvikoncar, posebno ako lela pes ko predvid i ekonomsko, energetsko thaj i kovid kriza anaj hari pa shaj em te ochekujnel pes reshibe o problemi e Bugarijaja.
Asavke seriozna komplicirime prashanja sar soj tano o problemi e Bugarijaja, rodena permanentna politike, but teshko deka akava vladino sostav ka shaj neshto te anel sar rezultati e Bugarijaja.
O neve izbirime ministerija tane samo neve anava, kola ka produzinen i politika e vladino koalicijakiri, kote so ola nane len than bashi manever te anen korkori pire odluke, nego samo ka pratinen o linije pumare partijengere.
Chisto sumna isi deka akaja nevi Vlada ka izdrzinel dzi ko 2024 bersh, koga trebola te oven o redovna parlamentarna izborija.
A pa ic ma te pucha, kaj tane predvidime ili pa pozicionirime o Roma ko naredno periodi….
More Stories
Palo dendo propozalo taro Netvorko sistemsko faisalenge suportime si i Incijativa bašo formiribe Romani platforma ko sasoitno pozicioniriba ko procesi bašo pregovoria ko membripa an i EU
Mensur Haliti: O priznajbe taro Holokaust upra ko Roma, mora te ovel phanlo olengere napredokoja
2023, Pocetok e Krajoskoro !?