Avdije o Jashe Sefer cleni ko upravno odbor taro JP Vodovod, Erdjan Selimi sovetniko ki diz Skopje, sine len sredba e direktoreja taro JP Vodovod Zlatko Perinski.
O fokus e lafi keribaskoro ki sredba sine nasocimo bash poshukar usluge e dizutnenge ki komuna Shuto Orizari, ko lafi keribe ange pes duj zakljucokija em adala:
te razgledinel pes i moznost so ko posig vakti te phravel pes punkti bashi naplata ki Komuna Shuto Orizari, sar em informiribe e dizutnen bashi moznost te iskoristinen i akcija bashi naplata taro dugija bizo presmetka tari kamata bashi zakasnimo platibe kova trajnela dzi ko 15.03.2022 bersh. Shuto Orizari ka ovel ko fokus e bukjakoro e pretprijatieskoro sa so cel te doblizinel pe i institucija em ovozmozibe lokharibe e dizutnenge kas isi potreba taro adava.
O Jashe Sefer thaj o Erdjan Selimi izrazinge zadovolstvo tari phravdi moznost bashi sorabotka em ovozmozibe bashi uslovija bashi poshukar usluge e dizutnenge tari Komuna. JP Vodovod thaj kanalizacija Skopje produzinela te kerel buti ki sluzba e dizutnenge ki koordinacija em sorabotka sa e zasegnato stranencar.
More Stories
Palo dendo propozalo taro Netvorko sistemsko faisalenge suportime si i Incijativa bašo formiribe Romani platforma ko sasoitno pozicioniriba ko procesi bašo pregovoria ko membripa an i EU
Mensur Haliti: O priznajbe taro Holokaust upra ko Roma, mora te ovel phanlo olengere napredokoja
2023, Pocetok e Krajoskoro !?