frontbhdp
Avdisutno dive kaj so sijum ko côté d’Azur tano hari oblacno, pa dikhava o pani ko more sar procistinela pes taro talasija, kola denge man inspiracija te pishinav akaja kolumna « Isi li amen romani ideologija ili pratinaja koroleste e korolen »?
Dikhindor ko palune 20 bersha sar unapredinela i Romani politicko ideologija anaja amen dzi ko puchibe koja tani amari Romani ideologija kaj mangaja te resa ?
Sine amen gradonacalnikija, pratenikija, Ministerija, direktorija, administrativcija, SUPER, ama savo interes braninge osven piro licno interes.
Keribaja korupcijaja buti za da te zavrsinel tuke nesavi buti mora te nakhe prvo ko salteri ko gadzo (mito), dejbe tenderija pumare firmenge, ikeribe tari gusha (sluge) e partisko vrabotimen te daran lafi te keren em posle piri buti e bareske 24h saatija te oven dostapna ko kher gradinela korupcijaja so kinga le te dzan adala sluge te pomozinen bizo pare, ki ekvas i rat ako hala pes e bareske sendvici ili bureko te prastan te dzan te kinen lenge.
Sa akava tano fakti so dozivinena o manusha kola i partisko vrabotime.
Palo adava ka gurinen amen te podrzina e gadzikane partijen kote so ni haljovaja lengere programe ni pa o ideologije, vazno ko mitingija ikljovaja e Romane thaj partisko znamencar sikavaja koj pobari guzva ange te shaj pokolaj o BARO te ovel zastitimo taro kerde kriminalija thaj prekrshokija, a bistrena deka o gadzikane partije ikerena len tari gusha adale dokumentencar so beshena ki fioka, keda te ka koristinen len protiv lende.
Ikavge e Romen ko protestija protiv o francusko predlog, zar shaj amen sar roma te ova protiv asavko neshto, keda amenge edinstveno spas sar roma tano te shaj nashaja thaj ekonomsko sredinaja amen ki nesavi razvimi EU drzava.
Ako pratinaja i nacionalisticko ideologija taro VMRO, dali pripadinaja ko lengere vrednostija ili pa ki ultra levicarsko ideologija kote soj tano baro opasnost o Apasiev e manushibaske?
Savi ideologija isi amen e Romen, Desnicarsko, ultra Desnicarsko, centralno, Social demokratsko, levicarsko, ultra levicarsko ili liberalno ?
Koj tano hrabro taro politicka Romane partije te objasninen amenge soske tane ki koalicija adale partijaja osven bashi licno interes ili zashtita taro lengere krivicna delija.
Ma phiraven koroleste e narodo ako sijen tumen korole.
More Stories
Ulem amenge sar CENTRIFUGA ki mashina shejengiri !
Holjanaja so vikinena amen « CIGANI », so keraja amen te smenina amari slika ?
Palo dendo propozalo taro Netvorko sistemsko faisalenge suportime si i Incijativa bašo formiribe Romani platforma ko sasoitno pozicioniriba ko procesi bašo pregovoria ko membripa an i EU