Gurinena amen ki jag ? Sestrinsko Partija taro VMRO fasticko ideologijaja, sar shaj te glasina o Roma bashi o VMRO ?

Ko piro govor sabota ki nilajeskiri shkola ko Baile Tusnad, ki Rumunsko Transilvanija, e Ungarijakoro premieri (pashe e partijake VMRO) objasninga deka na mangela « multietnicko » narodo kova ka meshinel pes e Ungarencar (Madzarencar) .

Ko akava fasisticko govor thaj nacionalisticko, kote ka ikera amen sar romani etnicko zaednica amaro than ki Severno Makedonija, keda dikhaja deka pobuter Romane politicka partije tane ki Koalicija e partijaja VMRO.

Te objasnina hari o VMRO isi le jasno podrshka taro FIDESZ i partija e Orbaneskiri sar so jasno podrzinge ko lokalna izborija sigurno em ka oven podrzime (ideoloshko, financisko) em ko parlamentarna izborija.

Em ma te bistra deka odobor bersha o ex premieri Gruevski tano arakhlo em zastitimo ki Ungarija.

Trebola li te podrzina Partijen kola so ikerena Rezim, nacionalisticko thaj fasisticko ? Rezim kova so samo galonela e Romane partijen izborenge te len o romane glasija.

Halile li o Romane partije koja tani i ideologija asavke partijengoro ? Deka lenge etnicko zaednice na postojnena ola tane i superiorno rasa (gadzikani), savo pashipe isi amen asavke partijencar kola so na priznajnena javeren osven pumen, sijem li amen delo olendar pa te vodinen amen ki adaja ideologija ?

Razmislinen shukar pred te gurinen amen ki Jag, i licno fotelja tani gudli, ama isi la dugma basji ejectiriba.

andrijano

See author's posts