décembre 6, 2022

24h Information

"Nashti uvek te slozina amen olencar, ponekad mora te ova protiv olende"

Sad je kasno da se kajes-Soske na kerge ko vreme

Jek taro legendarna gilja taro pendzardo romano peaci Ajnur Serbezovski sine i gili « SAD JE KASNO DA SE KAJES » kote so but dzene akale giljaja veselinena pes sine, ili pa achona sine nostalgicna, soske i gili setinkerela len ko kerde greshke kote i kasno te kajne tut ili pa te pere pishmani.

Aghar em avdije da amare Politicka liderija (pumare partijengere), lenge da i kasno te kajnen pes, soske sine len mogucnost em prilika nesto te keren ko vreme keda sine len i mok i sila ko vasta ama adava na kerge le, nego dikhle te razvinen pumari licno SOFRA, ola te han te mezinen pes, a bisterge deka jek asavki uloga tani te keren ko korist e zaednicake buti ko korist adale manushenge kola so glasinge lenge, kolal so podrzinge len, kola so marena pes sine lenge e BARENGE, sa adava bisterge le keda ule o bare keda khuvge len ko pike o Gadze sar demek ola i vredna, oja vredna samo ko adala sostanokija ko kancelarije ili pa vredna taro centar e shutkakoro dzi ko kazni zatvor kote so zavrshinela i shutka.

Akana rodena te iranen pes taro mule, pishinena statusija te den amen godi so trebola te kera akana sar romani zaednica ili pa akana te keren o politicka partiska liderija.

Pa te pucha tumen soske akana osvestingen tumen adava so pishinena deka tano jek taro reshenije te shaj i zaednica te dzal anglal, soske akana so povikujnena ko jekhipe na kergen len tumen?, nego tumenda sar ki igra Super Mario tari partija ki partija sar pecurke niknonena sine.

Akana i tumenge dzabe te pishinen statusija, te keren gragjanska sredbe te sikaven tumen pashe e zaednicake, keda adava vreme nakhla em valjangen te keren le ko vakti keda sijen sine cache zorale (tumenge).

Dali tano vreme te priznajnel pes poraz ki politika, deka te keren sine po javer chane shaj avdije tumaro sebepi na ka oven sine ki asavki unazadimi situacija o Roma, thaj na ka gubinel pes i doverba em i motivacija ki zaednica?

Ko tumare sredbe save paramisa raskazinena e Romenge?, keda o Roma halile deka tumaro politicko dejstvo nane te podobrinel pes i situacija e zaednicakiri, nego te zadrzinen adaja komocija so isi tumen ma te nashaven la, tumare licna interesija pa akana mora te sikaven fb aktivnostija, te shaj dikhena o gadze deka isi tumen aktivnostija ko teren pa pale te den tumen oja TUMENGE nesto te shaj te prezivinen ki akaja ekonomsko kriza, tumare biznisija na dzana sar so dzana sine, ko razlicna domenija kale ili parne biznisija, tumende trebola te osetinen soj kriza, dosta dikhle tumen i zaednica ko shuze khera ko shuze vrdija ko shuzo restorantija ko shuze odmorija, pa puchena tumen li so puchela pes i zaednica « sar shaj politicko partijaja te ovel tut asavki komocija? »

Shaj adaleske akana ikljona da but neve politicka partije kola so panda mislinena o biznis bashi komocija tano ki politika ? Greshinena i Politika tani te podobrine neshto tire ideologijake koja so trebola te ovel romani, niked nashti ovena Profesorija,Doktorija, Magistarija e gadzenge ko jakha lenge uvek ka achoven e titulaja ROMA.

Epa trebola li akana nevi agresivno ideologija em strategija chachutni e Romane zaednicake ?

A tumenge achola te shunen tumenge i gili taro Ajnur Serbezovski « SAD JE KASNO DA SE KAJES »

Keren Follow amari Facebook Strana Roma News

Keren Like em Follow ki amari facebook Strana Oven Saste


This will close in 30 seconds