Obuka e Bugarsko Policijake, anela dzi ki stigmatizacija e Romengiri

I Gragansko koalicija bashi demokratija hem o pravno vladibe pishinge phravdo lil dzi ki Evropsko Komisija. I Bugarija dobinga taro Evropakoro Socijalno Fondi [ESF] bashi 4re bershengoro proekti kote so sine obucime 480 policajcija. I programa bashi obuka sine anavkerdi  » Rano otkrijbe znakija bashi radikalizacija fokuseja upra ki Romani Zaednica ». I obuka sine sprovedimi ko Instituti bashi psihologija ko Ministerstvo bashi Andrune Bukja budzeteja taro 1,7 Milionija Evra.

ESF trebola « te pridonesinel ki borba protiv i diskriminacija zasnovimi taro pol, rasa, etnicko poteklo, religija ili verujbe… » O ESF na trebola te podrzinel merke so anela dzi ki segregacija ili socijalno iskljucibe. Ko phravdo lil povikujnela pes e Evropakiri Komisija te ispitinel dali o Bugarska vlastija phagle akala principija koga koristinge o sredstvija taro ESF bashi aktivnost nasocime ki identifikacija hem chinajbe i navodno  » Romani Radikalizacija »

So tocno haljola pe telo lafi  » Radikalizacija achola ne jasno. Adaleske o avtorija taro phravdo lil rodena tari EU Komisija te odkrinen. O Opis e proekteskoro na dela pricina bashi predpostavka deka i Romani populacija ki Bugarija tani podlozimi ki radikalizacija. Sar em te ovel, ko vakti e posledno konferencijake ko 18 septemvri 2020 bersh, o zamenik ministeri bashi andrune bukja dikhela deka o rezultatija taro akava proekti prestavinena osnova bashi avutni buti ki akaja oblast thaj deka o iskustvo taro proekti mora te spodelinel pes e javere vladina agencijencar.

andrijano

See author's posts