I familija Bajram pendzardi mashkar ko Roma, dzi kote sine dzivdo o Rajo Amdi Bajram sine amen manush kova so mashkar sa pe bukja so sine le, ko prioriteti chivela sine pire Romane zaednica, kova uvek sine uza po narodo te pomozinel len ko bilo save problemija, i Familija Bajram kerga i Prvo Romani dzamija ki amari naj bari Romani opshtina.
Palo leskoro meribe o Roma dzi avdije vakerena deka o Amdi Bajram sine e Romane zaednicake thaj deka but falinela lenge, palo leste achile leskere chave, jek lendar tano o Gabriel Bajram kova so mangela te produzinel o drumo pire dadeskoro, na samo ki politika (kote sinen izbirimo sar Pretsedateli taro SRM) nego em ko humanitarna thaj javera akcije pire zaednicake.
No o aktuelna slucke kola so dali namerno mangena te kaljaren o anav BAJRAM kova tano prestavimo ki javnost sar osomnicno, ustvari beshela bari dusha sar planina.
Sar ko but javera drzave i Diskriminacija thaj i netolerancija koja kerela pe upra ko Roma, adava akana momentalno slucinela pes em e Gabriel Bajrameske, kova tano prestavimo sar senzacionalno informacija ki buvli javnost.
Sekova manush shaj ko neshto greshinela, ama ma te bistra deka Gabriel Bajram kerela sekole diveskere akcije e zaednicake.
Finansiribe i dzamija, delibe paketija e naj corole familijenge, pomozibe e Romen financisko sredstvoncar, renoviribe nekozom familijengere khera.
Isto aghar spasinga i edinstvo Romani televizija ex Sutel Tv, te na phanlol koja so kinga la samo te achol amen Romano medium ki Makedonija em panda but javera bukja kola so na afirmiringe pes ko javnost, soske uvek o Gabriel Bajram vakerela « na pomozinava te dobinav rejting, nego pomozinava mire zaednica em te produzinav o drom mire mule dadeskoro »
Ki Makedonija sa soj Romano uspeh dikhena o na Roma te gazinen thaj te zatishinen le, save bukja kerge akana o javera zaednice ki Makedonija kola tane but po phare, ama sine len privilegno tretmani, a akana deka sijem Roma ka khuven upri amende.
O Rajo Amdi Bajram phenela sine jek but shuzo lafi « Vas so dela, na shukola »
More Stories
Palo dendo propozalo taro Netvorko sistemsko faisalenge suportime si i Incijativa bašo formiribe Romani platforma ko sasoitno pozicioniriba ko procesi bašo pregovoria ko membripa an i EU
Mensur Haliti: O priznajbe taro Holokaust upra ko Roma, mora te ovel phanlo olengere napredokoja
2023, Pocetok e Krajoskoro !?