septembre 28, 2022

24h Information

"Nashti uvek te slozina amen olencar, ponekad mora te ova protiv olende"

« NE VE BIVA ZA SVE » ama bare « ZA NESHTO VE BIVA »

fbt

Dikhindor sa akala bersha sar chivela pes slopka e Romestar e Romeske, ponekad trebola te pucha amen dali sijem voopshto spremna te kera promene korkori amen ki amende?

O King, o Baro, o Sherutno akala tane interesna titule so chivaja amenge korkori ili pa aghar mangaja te vikinen amen adala kola so podrzinena amen, ama kozomendar sijem podrzime ki sekoja buti, adava puchibe trebola sar primitivno te pucha amen.

Amen sar Romani zaednica, skolaja ili bizo skola isi amen darba te ova talentirime ko razna domenija, ama sar koristinaja adava amaro talenti, amaro sposobnost, soske ako isi amen kapaciteti jekhe bukjake odobor sigate uklela amen i slava ko Shero so mislinaja deka sijem sposobna bashi sa.

Muzika, Sport, Kultura, Politika, Biznis em panda but javera domenija, ama o chachipe koljarela amen na dikhaja o realnost deka nashti ovaja ko sa najshukar, nego shaj dopuninaja nekaskoro talenti ili pa te dopolninel nekoj amaro talenti.

Jek primer ki celo Makedonija o Romano glasacko telo maximum so ikljola ko glasibe ko nacionalno nivo nane pobuter taro 12.000, e akana adala 12.000 ako podelinaja len ko numero kozom Romane politicka partije isi amen, upre tele sekas isi le tezina (zavisinela o rejting e partijakoro) taro 800 dzi ko 2000 glasija..

2000 glasija, savi tezina isi amen ko pregovorija, ili koalicije ? (Osven o licna aranzmanija, mange em panda 10 dzenenge uzi mande).

Na sijum sportisti, ama dikhava shuzo primer isi ki sekoja ekipa zvezda igraci, ama adale igrace te muken le korkori ko teren save rezultatija shaj postigninela?, ama haliljum deka adale zvezda igraceske khelela timi ko so anela leske i topka dzi ko posledna metre, pa ove posle zavrsinela i buti em resela dzi ko gol ko posledna metre.

Siklilem li nesto ko posledna bersha, deka asavke strategijaja na resaja dur sar zaednica, a ni pa sar poedincija, trebola li te razmislina cachipaske te pendzara o kvaliteti e javereskoro, pa te kheda o najshukar amendar, amenge (Zaednicake), te la e naj shukar pravnikon te keren ko pravna bukja buti, te la e najshhukar ekonomisten te keren ki ekonomija buti em aghar ko povishe domenija te zojrara amaro politicko dzandipe kapaciteti thaj te dza angle sar zaednica, sigurno sijum deka tumen da korkori sijen svesna deka « NE VE BIVA ZA SVE » ama bare « ZA NESHTO VE BIVA ».

Aghar ka pocminela i cachutni evolucija e Romane zaednicakiri, kote so pala akala kvalitetija i zaednica posle ka iklol em ka del arka podrshka thaj ka ovel amen samo-organiziribe, ka ova spremna bashi sekoja situacija, politicko, sanitarno, ekonomsko ili bilo savi javer kriza, tegani ka oven amen expertija cachutne ko pire domenija kote soj tane naj dzanle em naj zorale.

O EGO thaj i SUETA na trebola te ovel delo taro tumaro karakter.

A dzi tegani ajde te produzina e pojako te deskreditirina, a e poslabo te zalina, sar phenena ?

Keren Follow amari Facebook Strana Roma News

Keren Like em Follow ki amari facebook Strana Oven Saste


This will close in 30 seconds