22 Roma ka oven ukljucime ki Nacionalno Akademija bashi javno Administracija

E Srbijakiri Premierka, Ana Brnabik avdije kerga lafi e kandidatencar kola ka oven delo tari programa BARVALIPA ki Nacionalno akademija bashi javno administracija e prestavnikoncar tari phiribe Opre Roma Srbija.

Ki programa « BARVALIPA », so phradvgola avdije ki Nacionalno akademija bashi javno administracija, ucestvinena i prvo grupa taro 22 kandidatija tari Romani zaednica, kola so isi len zavrshimo ucho obrazovanie thaj na kerena buti ki javno administracija, sa so cel te shaj podobrinena pes o profesionalna kompentencije bashi vrabotuvanje ko administrativna telija.

« Zaednicko cel akale programakiri te ovel tranzicija ko vrabotuvanje e pripadnikonge tari Romani zaednica ki javno administracija » vakerga i Srpsko premierka Ana Brnabik, vakerindor deka « akava tano panda jek vazno cekori ki emancipacija thaj integracija e Romengiri thaj gradibe jek inkluzivno opshtestvo »

I obuka bashi i Romani zaednica, zaedno e Nacionalno akademijaja bashi javno administracija, sine razvimi taro Gragjansko phiribe Opre Roma Srbija thaj i Kancelarija bashi Romane inicijative e fondacijakiri Open Society. i Cel akale programakiri tani dizajnirimi ko ramke taro 4 modulija kola so astarena o osnovna bukja e vladaja, digitalna, komunikaciska thaj menadzerska veshtine em ka trajnen dzi ko 21to Avgust.

andrijano

See author's posts