septembre 26, 2021

24h Information

"Nashti uvek te slozina amen olencar, ponekad mora te ova protiv olende"

« Vozi e zaednicakoro, dzala ko avutnipe », ajde sarine te uklja ko isto vozi

Erati ki amari Emisija « Romani Hronika » sine amenge misafiri o Mensur Haliti tari Kancelarija bashi Romane Inicijative Berlin.

Ki emisija kerga pes lafi taro popis kote so ko naredna masekija ka odrzinel pes ki Republika Severno Makedonija, dikhindor i situacija tari amari fragmentacija mashkar amende, kote sekoj individualno thaj shaj ne sigurno buti keribe nane te anel rezultatija. Uvek puchaja amen so ka « dobina » ? Oja licno shaj dobinaja simpatizerija, ama rezultati nashti anaja, pa ko jek esavko puchibe so postavingum le e Rajo Mensur Haliteske ov denga man sar odgovor  » Soske dikhaja so ka dobina, ajde te pucha amen so ka nashava » kova soj tano jek realno dikhibe e situacijakiri e popiseja.

« Edistvo delimo ko 5 delija » kote so sine miro mislibe sar Voditeli e Emisijakoro, soske isi amen isto cel ama delinaja amen ko 5 delija: Politika, Ngo Makedonijakere, Ngo Dijaspora, Aktivistija thaj mediumija.

Isto aghar ko miro rodibe, sar shaj zaednicko te uklja ko adava vozi so vec cidinga, em dali tano spremno o RIO te khedel pes sarinencar ko jek than, o odgovor taro Mensur Haliti sine:  » A soske te adjikera, ajde odma od tajsa neka javinen pes sa adala manusha kola so mislinena te kera ko zaednicko interes buti »

Adaleske bichavaja apel dzi ko sa o akterija kola so osetinena deka shaj pridonesinena bashi zaednicko kampanja te kera buti ko interes e zaednicake neka kontaktirinen i Kancelarija bashi Romane inicijative ili i AVAJA ko sledna tocke:

  • Mapiribe e zaednica, ko kola mahale mora te da prioriteti, kote isi opasnost ili samoizoliribe ja pa pritisok taro javera zaednice upra ki Romani zaednica
  • O Politicka liderija, ako shaj pridonesinena politicko pritisok te kerel pes upra ki vlada bashi poshukar keribe buti ko popis, te predlozinen pes romane clenija ko komisije, ko sektorija thaj ko teren ( Te spreminel pes vec lista taro naj hari 500 potencijalna kandidatija bashi adaja buti) kola so ka ovel len naj hari sredno obrazovanije
  • I Ngo tari phuv em tari dijaspora te ukljucinen pes ki zaednicko strategija
  • O Romane mediumija em o portalija te ukljucinen pes ki zaednicko promocija e kampanjakiri

Ko terenska tocke stapinen ko kontakt e Avajaja a bashi o mediumsko delo stapinen ko kontakt e rajo Mensur Haliteja RIO.

Ako doresaja sa akava te kera le dzi ko 24to februar kote so pokaninava me sar medium sa e akteren te ikljova ki naredno « Romani Hronika » em te phena so anga pes odluka, em te uklja ko vozi kova so vec cidinga o « Vozi e zaednicakoro, dzala ko avutnipe »

I emisija shaj dikhena ko replay:

https://fb.watch/3J_5G9ULIV/

Keren Follow amari Facebook Strana Roma News

Keren Like em Follow ki amari facebook Strana Oven Saste


This will close in 30 seconds