St Valentin mashkar ko Roma, nane izborija popis tano

Avdije sijem o dive e manglengoro 14to februar, but dzene slavinena le sar avdisutno dive so sikavena o mangipe pire partnereske, no o mangipe nane samo ko akava dive o mangipe tano 365 dive ko bersh, pa aghar trebola o Roma da sar zaednica te manga amen em te podrzina amen keda tano ko puchibe o Romano interes.

Dikhaja ko akala posledna dive ko razna izjave statusija ko socijalna mreze, deka ko zaednicko da interes e zaednicake isi nedorazbiranje mashkar amende, sa adava soske chivela amaro licno ego anglal, na trebola akana te akosha amen koj po baro patrioti , koj ka kerel poshuzi kampanja ili pa koj lela pare za da te kerel i kampanja.

I krivica tani ko adala manusha so na objasninena korkori peske soj tano o interes taro Popis jekhe marginalizirime zaednicake, o popis tano ko interes e zaednicake, nane ko interes nikaske licno ili pa nesave partijake nevladino organizacijake pa cak sto vise ni e mediumenge.

Sekoj mangaja te sikava amaro dzandipe deka okova tano poshukar okolestar, okole isi le po vishe narodo pala peste, okova isi le poshuzi vizuelno grafika tari leskiri kampanja, okova isi le povise like ko leskoro status, okova isi le povishe gledanost em red javera bukja.

Isi amen panda vreme te kera ko interes e zaednicake buti, soske dikhindor deka ko popis nasti keraja zaednicko romani kampanja, pa kuznae so ka kera keda ka oven o izborija?

Na smijnaja te dikha amare licna rejting poenija, anen te kera buti ko zaednicko interes adava tane o ROMA, soske ako akava da popis na sikavaja amaro Identiteti sar jako slozno zaednica, verujnen panda but generacije ka patinen amaro sebepi ko naredna bersha.

Ako sijen vlijatelna ili pa isi tumen kapaciteti sar so vakerena onda dokazinen le adaleja so okola roma so na deklaririnena pes sar Roma te deklaririnen pes ROMA.

Ako na kerena i romani chip lafi, shaj te objasninel pes lenge deka etnicko pripadnost lengiri tani Romani a sar chip shaj vakerena deka kerena khorane, chibalane ili pa gadzikane lafi.

Koristinen akava dive 14to februar te razmislinen sar te mangen e zaednica a na tumare ego zidija, peraven o zido keda kerela pes lafi o zaednicko interes ikaven o Lafi ME nego koristinen AMEN.

Bahtalo Valentine dive sa e manglenge…….

About Author

andrijano

See author's posts