Soske panda ola, keda shaj tumen ?

Dali valjani panda te podrzina manushen kola so kerge peske Covek Partija ( mi romni, me chave, mo phral, mi familija me amala) ?

Aj te dikha dali o aktuelna bizniz partije tane spremna te odstapinen po than neve generacijake (nevo software ki romani politika) , ili te phanden pumare politicka partije?

Dikhindor be Liderlaren so kergen ko nakhle 20, 30 bersha iskreno na kergen nisto osven so dostignen tumare licna upre anavkerde interesija.

Valjani li o narodo taro kana te ciden tumen em ko plostad te ladzakeren tumen, te sikaven sa so uspejngen lenge ko anav te gradinen?
O Nacije dikhen ako mars (Planeta) te dzan amen o roma edvaj adzikeraja tari amari mahala avri te ikjlova, nane li ladzavo?

Kergen so kergen OVEN SASTE, ama i tehnologija dzala anglal muken e ternen ucime chaven kola so mangena e zaednica, em nane bokhale te pridonesinen nesto pire zaednica, dosta sine o zakane « pazin ka ikavav te dade te dija te phrale tari buti », adava vreme nakhla, akana tano o vreme e lileskoro e penkaloskoro em e phravde gogjakoro.

Trebola i romani zaednica te svatinel deka lengoro glaso ko bilo save izborija, tano but vazno ili tano glaso ko so anela licno uspeh e kandidateske ili lidereske a na e zaednicake.

Reforma ki sekoja jek demokratsko drzava postojnela, te nadina amen deka dosta vise sine e liderenge o licno interes, ola na dzanena te keren buti e zaednicake adaleske mislinava deka manushikane ka ostapinen pire thana em ka dzan ki penzija, ka muken than neve silake ternenge kola so ka vazden o romano interes thaj o svest.

Adava so gradingen e romenge ko anav, han em koristinen le shukaripaja, Dosta,ciden o precke te dzal i zaednica anglal.

andrijano

See author's posts