Skuponga i Struja i Drzava ka pomozinel

Kas isi pravo te dobinel taro 600 dzi ko 800 denarija ko masek bashi strujakiri smetka ?

I Vlada osvojnga « Programa bashi o ranliva potroshuvacija tari energija bashi o 2022 bersh », kolaja so predvidinela pes o najranliva kategorija manusha kas so isi nisko primanja kola so nane tane primatelija tari garantirimi pomosh, te dobinen namalibe tari masekoskiri smetka bashi potroshimi energija taro 600 dzi ko 800 denarija ko masek, ko zavisnost kozom clenija isi ko domakjinstvo.

Bashi zashtita e ranlivo potroshuvacenge predvidime tane o sleda merke:

Direktno financisko podrshka e ranlivo potroshuvacenge tari energija sar paricno dodatok bashi ucharibe delo taro troshkija e troshime energijake taro oktomvri dzi ko mart.

Financisko podrshka e manushenge so isi len tikne primanja, dzi kote lengere redovna masekoskere primanja na nakhavena o neto prihod dzi ko 15.194 denarija jekhe dzeneske, ili domakjinstvo 2 clenencar 18.000 denarija domakjinstvo 3 clenencar 21.000 denarija, domakjinstvo 4 clenencar 25.000 denarija em bashi domakinstvo 5 clenencar ili pobuter dzi ko 30.000 denarija, Akala familije shaj ostvarinena po pravo ko drom taro javno oglas kova so ka objavinel le o Ministerstvo bashi ekonomija.

andrijano

See author's posts