novembre 26, 2022

24h Information

"Nashti uvek te slozina amen olencar, ponekad mora te ova protiv olende"

Skandali, mardi Romani medicinsko sestra ki Drzavno klinika bashi akuserstvo thaj ginekologija a i lekarsko komora kutinela.

Ko 6to mart 2021 bersh, dzi kote sine ko po rabotno vreme i Romani medicinsko sestra i S.S, ko adava dive ko 5h45 sine fizicko napadimi i S.S taro Ginekoloshko Doktori Toshe Mitreski.

Sebepi so i S.S povishe puti vikinga le bashi intervencija upro pacientke ki itno ambulanta o Dr. Toshe Mitreski Kova sine ki rakjakiri dezurno smena em sine povishe puti rodimo bashi pregledija, prvo verbalno (lafencar) thaj zakanencar, a posle em fizicko napadinga e Romane medicinsko sestra S.S, kote so boksencar prvo khuvga la ko vasta thaj kerga obid te mudarel la kote so tasavga la pire vastencar thaj khuvga lakoro shero ko zido sa dzi kote na ale javera kolege thaj manusha taro obezbeduvanje te spasinen la.

I Medicinsko sestra tuzinga e Doktore Toshe Mitreski preku piro Advokati Srdzan Amet , kote o gragjansko sudo thaj o krivicno sudo denge pravo e Medicinsko sestra thaj kazninge e Doktore te platinel lake oshteta, i Lekarsko komora tari Severno Makedonija kutinela thaj ni suspendiringa e Doktore Mitreski a ni pa kazningja le.

Soske ii Lekarsko komora na reagirinela, soske kutinena em phandena pe jakha, keda 2 sudska institucije denge pravo e Medicinsko sestrake, dali deka i Medicinsko sestra tani Romani ?!

Te ovel sine taro javer etnikum dali lakoro Pretsedateli o Dr. Burak Shabani ka prevzeminel sine po oshtra merke thaj ka suspendirinen sine e nasilnicko Doktore ?

Keren Follow amari Facebook Strana Roma News

Keren Like em Follow ki amari facebook Strana Oven Saste


This will close in 30 seconds