Situacija! – Kolumna Ekrem Iljaz

Našavgja smisla o pišimo lafi ki romani zaednica ako o lafi tano obemno, ama nekogaš ko nesave teme izbor nane tut osven te iskažine mislenje jali reakcija ko opštestvena (ne)procesija.

Asavkoj da za žal akava pišiba obemno. Pendžarena akaja slika teleder akaja rečenica.

Isila poviše značenja, nesave vakerena deka tane posebna hem unikatna hem različna taro vavera hem adava pripišinena ole sar kvaliteti.

Me avdije ka trudinavma akaja slika e stadoja taro bakre te dav la vaver kontekst adavaj o kontekst e zaednicakoro deka o kalo da bakro so kerelape posebno hem unikatno hem pripišinela peske kvalitetija na dzala ko kale bakre te ovel lencar zaedno, nego ačola e parnencar te saj len manipulirinela telal ko adava deka tano šukar te ove kalo bakro ki zaednica, a ov nikogaš na sine prifatimo maškar okola kale bakre ki lengiri zaednica, doduše ov halilo da ustvari kaj nae kalo bakro original tuku bojadingele hem ov poviše tano kafeavo boja nego kali hem parni.

Akavaj e bakrengje hem olengere boje hem oja sekole bakre ka astarel o kasapi jekh dive naručeto keda isi prazniko. Inače amari politicko elita tani gotovo bizo izuzetok, bizo strateško vizija hem očigledno našavde ki podrumeskiri političko taktika koja tani vrtin-iran ko kalkulacije taro tipi sostanok tari zgradakoro sovet.

Doduše mangaja te ova publika ko asavke sapunice, koja ustvari parunela e saste generacijen so bajrona. Dali vakergjum tumengje deka pogrešno tani i teza koja ko posledna berša čungarela upra ko romane politička organizacije hem dena somnež kozom ola pridonesinge generalno e romengje vizavi o opštinska organizacije, dali ustvari amen keraja greška ki detekcija soske vlošingjape ki horizontalno hem ki vertikalno i participacija e romengiri ki država.

Akala tane prašanja kola trebena te oven delo tari amari debata ki zaednica pošto očigledno amengje ni hari nae o fokus taro geo-politička dešavke so desinenape ko sveto hem kozom adava isile vlijanie hem za žal mislinava kaj ka oven nesave reperkusije, ama ajde o vreme ka sikavel se akaja ekstremno radikalno desnica nae ko hairi e romengje ki Evropa pa hem amengje da isto ki MK, nesar akaja desnica arakhela koreno ko adava so desingjape ko dujto svetsko mariba hem te ova realno amen sar roma našti falinaja amen deka nakhlem šukar.

Dosta e istorijake, iako šukar i nekogaš te setinkera amen adava so nakhla te šaj mate slučinelpe palem iako amengje sar zaednica nae ko radar deka isi shifting ili nevo prekrojuvanje ko sveto hem i traektorija kolate dvižinelape nae ko korist e romengje ki EU.

Pozdravi isitumen taro Ilon Mask Hail…

About Author

andrijano

See author's posts