Ko avdisutno video so phirela ko socijalna mreze, kote so khedime grupa Roma taro centar bashi grizuvanje Ranka Milanovik ko Skopje, krivinena e Pratenicka Ljatifa Sikovska deka oj brkinela len taro adava centar.
Roma News ko telefonsko razgovor e Sikovskaja pucjlja soj i situacija ko centar, kote so i Sikovska odgovoringa amenge :
« Me e Romen na brkinava, me dikhava e Romen te pomozinav len, aljum samo te informirinav len tari andi odluka e Ministerkakiri koja so vakerga deka bashi degradirime thaj bezbednosna uslovija adala familije mora te napushtinen o centar, me sar pratenicka lobiringjum o Ministerstvo ma te mukhel akale manushen ko ulice, dengjum predlog o roma te arakhen peske khera kirijaja ko Romane mahale, a o ministerstvo te platinel lenge i kirija » vakerga amenge i Ljatifa Sikovska.
Isto aghar napomeningja amenge deka oj upreder 15 bersh kerela akale familijencar buti, thaj baro delo olendar sine len pe khera ama bikinge len kote so oja na dzanela soske ange pes ki asavki situacija.
O video shaj dikhena ko akava linko
More Stories
O Romane glasacija borinena pe protiv i mreža e korupcijakiri, simbolika thaj Rasizam: Itno appel bashi cachutni sistemsko promena ki Bugarija
Palo dendo propozalo taro Netvorko sistemsko faisalenge suportime si i Incijativa bašo formiribe Romani platforma ko sasoitno pozicioniriba ko procesi bašo pregovoria ko membripa an i EU
Mensur Haliti: O priznajbe taro Holokaust upra ko Roma, mora te ovel phanlo olengere napredokoja