juin 20, 2021

24h Information

"Nashti uvek te slozina amen olencar, ponekad mora te ova protiv olende"

Sar te kera e zaednicaja lafi – Superiorno, ednakvo ili inferiorno ?

Puchaja amen povishe putija soske i zaednica na shunela amen so keraja lafi, ili pa na haljola i chip ki savate amen keraja lencar lafi.

Trebola te dikha o posebna karakterija nesave manushengere kola so mangena te keren ki zaednica buti bashi poshukar angle dzajbe, ama ki lende dikhela pes jek problemi ma te pishina deka BARO ama ipak tano problemi, soske adala manusha kola so mangena te oven liderija, aktivistija ili pa manusha kola so mangena te unapredinen e zaednica, but dikhena pes superiorna upra ko adala manusha kasar so trebola te keren buti.

Ako dikhena tumen superiorna adale manushendar em na dena olenge vnimanie thaj paznja, automatsko ola iskljucinena tumen taro krugo pire manushengoro em dikhena tumen sar Superiorna manusha, ponekad trebola te kera lafi i chib adale manushengiri kasar so mangaja te kera buti, te haljova te shuna soj tano lenge potrebno, shaj olengoro mislenje ka promeninel ko tumare strategije jek delo kova so ka anel pobaro napredok ko buti keribaskoro.

za da ma te ova ni superiorna ni inferiorna, naj shukar pozicija tani te ova ednakva bare keda kerela pes lafi e zaednicake, adaleja so sekaskoro potencijali, kvaliteti, mislibe shaj anela amen zaedno ko pravo drom o drom e Romanipaskoro.

NAJ pharo tano i Komunikacija

Te sikljova te komunicirina e manushencar, kaske keraja buti bashi amaro poshukaripe em kastar so zavisinaja glasibaske, te oven amare kana uvek phravde bashi lengere problematike, ma te ovel samo privremeno dok nakhena o izborija, ma te kera lencar buti samo dok isi amen proekjtija, trebola sekoja astardi buti te zavrshinel pes dzi ko krajo, soske te na resa sine ko nesavo dzandipe, shaj amenda ka ova sine lenge ko than em uvek ka dikha sine e manushen superiorna amendar.

Keren Follow amari Facebook Strana Roma News

Keren Like em Follow ki amari facebook Strana Oven Saste


This will close in 30 seconds