Uvek vakera o Trajko o Rajko krivo ama niked nane krivo o Ramce.
Sine amen moznost te pomozina korkori amenge ko Popis kova so zavrshinga erati 30.09.2021,mada sine konstatirime but neregularnostija ko teren ama, amenda sar zaednica na kergem dovolno korkori amenge ili pa sar so vakerena o francuzija « je m’on fou »
Nesposobna li sijem sar zaednica te pomozina korkori amenge ? Ko sekova lafi keribe koristinaja o lafi « mora te kera nesto amenge » tocno keraja amenge, so keraja ? Peravaja e manushen kola isi len kapaciteti em volja te pridonesinen e zaednicake, e ote o « Populistija » khuvena ki akcija em phenena hale e Romengere pare, save pare tane e Romengere ? Kova rom generirinela financisko pridones e zaednicake ? Koj avdije ka kerel buti 8-10h ko dive sekova dive bi parengoro ?
Ki sekoja buti amen o Roma « Google expertija » dzanaja povishe taro okova, koristinaja o Romane lafija « dikhljan li so kergum leske, kaj shaj be ov mancar » egoisticko, ne edukativno ponashaj kova so vlecinela palo peste baro broj nezadovolna Roma, kola soj razocarime sekastar em plus panda asavke populistija falinena e Romen te iranen len palal nekozom decenije, na mesto te unapredinen, te pomizinen, te pridonesinen e Romane kauzake.
Posle ma te Rova keda sijem isfrlime taro razna sistemija e drzavake, soske korkori amen na mangaja te podrzina amen, nego sikavaja zorale vilice (naja ko tastature) keda trebola uspeshno te umalovazina nekas.
O Popis sine statisticko operacija koja so ka anel politicka reshenija e zaednicake, ama amen shungem e laloren kola so objasninge e kashukenge so trebola te kera.
Ki krajka ka penav falinela amenge edukacija poznavanje bashi samo organiziribe keda kerela pes lafi mange, tuke em olenge, na e politicarenge.
Akana sijan li sprremno te ikljove ki manifestacija em te na priznajne o Popis sar Rom ?
More Stories
O Romane glasacija borinena pe protiv i mreža e korupcijakiri, simbolika thaj Rasizam: Itno appel bashi cachutni sistemsko promena ki Bugarija
Palo dendo propozalo taro Netvorko sistemsko faisalenge suportime si i Incijativa bašo formiribe Romani platforma ko sasoitno pozicioniriba ko procesi bašo pregovoria ko membripa an i EU
Mensur Haliti: O priznajbe taro Holokaust upra ko Roma, mora te ovel phanlo olengere napredokoja