juillet 9, 2020

24h Information

Be Informed in real Time …

Reakcija taro Roma News dzi ko RDS…

Ko Avdisutno dive ko Romano Portali Roma Times iklilo jek Artiklo kote so o RDS ( Kote so dzi avdije na shungem lenge) em na dzanaja dali tane dvizejne ili pa Politicko partija, konstatacijaja deka O Uredniko e Emisijakoro « Face to Face » na vodinga i Emisija sar so valjanga nego odvaringa pe e Nevladino Organizacijenge.

Roma News potvrdinela panda jekputi deka tano jekhutno Romano Nezavisno Medium ko Roma, dzanindor deka o Mediumija tane garavde ili pala ko nevladina organizacije ili pa pala ko Politicka Partije, a ki sprotiva o Roma News Finansirinela pe taro licna Sredstvija e Fondatoreseskere Dzeladin Andrijano em phravga pe rodindor Donacija Podrshka taro ple dikhutne.

Sar so pocminga o Roma News pire emitujbaja Emisije pocminga hari te phravgon e Romengere jakha em isto aghar e Nevladino thaj politicko Organizacijengere, kote so o Cel tano taro Roma News sa akala Fantom Organizacije ili Politicka Partije te ikeren pe ko plo lafi em te keren cace e Romenge ko Anav Buti.

Sar pofalba shaj te da amen sar Medium deka dikhaja deka iranaja nekozom organizacijengro buti keribe ko korist e Romenge, ama nane akaja i tema e artikloskiri.

Soske angleder te pocminel o Roma News pire realno kritikuvacko editorialsko linijaja te kerel buti, dzi akana ni jek NGO ili Politicko Partija na iklile te keren taro realnost e romengoro lafi, ili pa mangena te len than ko teatarsko festivali  » GARAVDE MUJA ».

Ako nekoj taro Romane Organizacije, Dvizejna ili Politicka Partije isi len realna vizije e Romenge em dzanena garavde bukha, Manipulacije kerde e Romencar, me ohrabrinava len te ikljon ko javnost em te vakeren o cacipe.

Oshtro Demantirinava sar Fondatori, Uredniko thaj Voditeli deka nesave nevladino Organizacija ili pa politicko partija isi la ili ka ovel la vlijanie upra ko ROMA NEWS, Nezavisna sijem em ka achova ko Cacutno Informiriba e Romane Populacija.

To be Continued