4 dive neumorno gejnibe o glasija, ko zavrsetok taro jek baro marathoni kova so izgledinela sine nezavrshno ko 77 bersh ulo o 46to Prezidenti o Joe Biden, kova konecno ka shaj te beshel ko parno kher thaj ko leskoro ovalno astali, kova so but bersha vrtinga pes ko adava biro, ama na ki pravilno fotejla. Isto aghar ovela o najphuro Prezidenti so dzi akana sine birimo ki akaja funkcija.
Parne balencar em shamutimo phiribe, ama isto aghar jek baro iskustvo kova so dinga le jek vrsta silno energija em mudrost. Ki akaja phuv kote so sine dzi akana na dikhli agresivno kampanja, em palo 4 bersh vladibe, glasno em holji upra ko maipulatori (Donald Trump), sine bari potreba te smeninel pes.
Amen shaj te chiva krajo akale Prezidenteske kova so taro pocetok rodinga te odvinel amen
Vakerga ko posledna saatija pire kampanjakoro o poraneshno Vice-Prezidenti
Amen shaj te chiva krajo akale Prezidenteske, kova so na dzanlja te zastitinel amari drzava, kova so phudinga ki jag e Mrzibaskiri
Sa o pozarne akana ka aktivirinen pes « Joe o sovavno » sar so vikinela le sine o Donal Trump akana ulo « Joe o Pozarnikari »
Koj tano o 46to Prezidenti e najzorale nacijakoro ko sveto? Jek tipicno Amerikanco shaj te vakera, jek delo tari leskiri familija, kotar leskiri baba (dajakiri) isi le poteklo tari Francija, naj prvo sine izbeglice ki Holandija pa palo adava em ki Amerika. Kotar po dat tane Irlandska Katolikija, religija ki savi o Biden tano panda povrzimo. Hem ako nane tano anti abortus em nane protiv o Gay zenibe, ov sekoja nedela dzala ki crkva Saint Joseph ko Willmington ki Severno Karolina.
O Biden tano bijamo ko 20 Novembar 1942 bersh ko Scanton ki Pennsylvanija, kerela Brilijantna pravna studije em science po. Ko 1972 bersh prvo puti ovela Senatori em khuvela ko aktivno politicko zivoto.
Hari po hari, ki galaxija e Demokratenge lela than sar mirno thaj lojalno cleni, nekaske tano but phuro, nekaske but kovlo a e naj keravdenge tari partija tano but centristi, kerela po drumo korkori, so popashe interesinela pes bashi o Avrune bukja em ovela jek taro manusha kola so podrzinge i intervencija ko IRAK.
Cidimo ki strana bashi i trka ko Parno Kher o prvo puti ko 1998 em o dujto puti ko 2008, ama o Barack Obama kerela le po Vice-Prezidenti. O duj dzene kozom sine protiv odobor kerge zaedno buti vas vasteja vremeske taro duj mandatija dzi kote sine o Obama Prezidenti, Obama sine terno Senatori thaj neiskusno o Biden anga leske iskustvo, kovlipa hem jek perfektno pendzaribe e Mokno Mekanikake Prezidenti.
Karshi o Trump, leskoro vakti alo, soske isto sine cidimo ki strana ko 2016 bersh ko korist bashi i Hillary Clinton, koja so phagla pe danda karshi o Trump kova soj nepredvidlivo thaj demagogo. Biden hem baska leskoro bute bershengoro iskustvo, na osetinela sine o ista custvija bashi leskoro cidibe ki strana. Nikoj na mangela le,Nikoj na postojnela le ama pa nikoj da na mrzinena le, sekoj jek lela le sine uzi peste ko buti keribe, soske sine jek taro najiskrena manusha, palo akoshibe e Kamalaja Harris, birinela la sar piri vice-prezidentka, kote so denga moznost ki akaja funkcija te ovel prvo puti ki istorija afro-amerikanka thaj dzuvli ki akaja funkcija. Nazalost isi le but buti o « Joe sovavno » te smirinel jek drzava umortvimi, kotar shaj te nashavel akana piro sojbe……
More Stories
Palo dendo propozalo taro Netvorko sistemsko faisalenge suportime si i Incijativa bašo formiribe Romani platforma ko sasoitno pozicioniriba ko procesi bašo pregovoria ko membripa an i EU
Mensur Haliti: O priznajbe taro Holokaust upra ko Roma, mora te ovel phanlo olengere napredokoja
2023, Pocetok e Krajoskoro !?