septembre 24, 2021

24h Information

"Nashti uvek te slozina amen olencar, ponekad mora te ova protiv olende"

Opre Roma Srbija, povikujnena e Beogradsko Gradonacalniko te del Ostavka

Erati Opre Roma Srbija Kkrivinge e Beogradsko Gradonacalniko, Zoran Radojcic, deka  » negirinela » e Romen thaj rodinge te del ostavka.

ORS izjavinga deka o nadlezna e dizjakere na reshinge o problemi e dizutnengoro tari Romani Mahala Čukarica, kolate so mulo 1 chavo em 5 javera sine phareste povredime keda alo dzi ki jek elektricno explozija ko 12 mart.

Deklariringe deka odma palo akava incidenti, bichavge jek lili dzi ko Gradonacalniko de shaj organizirinena jek hitno sostanok te shaj te reshinel pes o puchibe thaj o problemija adale romengiri tari adaja mahala, em deka sine pokanime ko sostanok cak ko 5to April.

« Ko sostanok, amen potenciringem deka isi amen donatorija bashi moduilarna kontenerija, te bi shaj so posigate te reshinel pes o problemi em te ciden pes o Roma taro asavke opasna thana, em o Gradi valjanga te del uslovija em than bashi akala kontenerija kote so ka ovel pristap dzi ko pani thaj ki struja »

« I molba tani spremimi kote so o dizutne tari adaja mahala potpishinge , em dostavimo sine o lil dzi ko Gradonacalniko ko 9to April. Taro adava dive nikoj na denga amen nisavo odgovor, mada bichavgem pobuter email thaj telefonska povikija dzi ko biro e Gradonacalnikoske, dikhindor deka panda o chave thaj familije dzivdinena ko rizicna thaj katastrofalna uslovija bizi struja thaj bizo pani »

ORS oceninga deka Nemerno dugovlacinela pes akava problemi e Romecar te shaj akava problemi sar o javera te bistrel pes em nikoj te na reagirinel e Romenge.

Nashti te dozvolinel pes jekhe Gradonacalnikoske te bistrel bire dizutnen, a panda po nedozvoljivo tano jek Pedijatar sar soj tano o Radojcic, te khlel peske chavorikane zivotoncar. Ki adaja smisla amen verujnaja so i te vakerel pes phravdeste tano precka te reshinel pes akava problemi, dzi kote ko sprotivno mislinaja deka naj pravilno tano o Rajo Radojcic te del peske ostavka em te mukhel pi funkcija Gradonacalniko nekaske koj so ka borinel pes po reshitelno e Beogradsko dizutnengeem kova so nane te bistrel o zivoto e Beogradsko Chavengiri bashi « Slozenost » e problemeskoro, vakerela pes ko soopshtenie taro ORS.

Keren Follow amari Facebook Strana Roma News

Keren Like em Follow ki amari facebook Strana Oven Saste


This will close in 30 seconds