juin 20, 2021

24h Information

"Nashti uvek te slozina amen olencar, ponekad mora te ova protiv olende"

Nashavdili jek bari Romani tradicija Herdelezi

But hari Roma slavinena o avdisutno tradicionalno bidzuko Herdelezi, o Herdelezi ili pa Gurgevdani sine jek taro naj bare Romane tradicionalna bidzukija, kola so sine bidzuko e familijakoro.

O Herdelezi ko Romane mahale pocminela sine panda taro 3to Mai kote so kinena pes sine o Bakhre, pa palo kinibe o bakhre anena pes khere em radujnkerena pes sine o tikno chave, 5to Mai dzala pes sine ko Shutalo Pani nakhavela pes sine familijarno dive, piknikoja korzoja thaj davulencar, ko 5to ili 6to Mai sabaleskoro chinena pes sine o bakhre o tikne chave uravena sine neve sheja, dzana sine ko popashutne resena vas em khedena pare em sa aghar slavinela pes sine o Herdelezi taro 6to dzi ko 9to Mai ili pa o 4to dive kote so lela sine than bashi baro Romano Piknik ko Francuska grobija ili pa ko javera po bare parkija.

Sa akaja Romani tradicija bershencar hari po hari nashavdili tari amari Romani tradicionalno kultura, sebepi tano so o Roma tari Islamsko ispovest vakerena deka o Herdelezi ili pa Gurgedani tano Gadzikano bidzuko kova so o Muslimanija na trebola te slavinen le, tocno ko 6to mai tano Sveti Georgi kova so perela ko kalendari, ama amenge e Romenge o 6to Mai nane religiozno bidzuko, nego Romano tradicionalno Bidzuko.

Mora te vakera deka but hari dzene achile kola so slavinena o Herdelezi jek adalendar kola so achile verna akale tradicionalno bidzukoske tane o Topaanska kola so panda ikerena i Romani Tradicija, thaj o Roma taro Balkan.

Bahtalo Herdelezi sa e Romenge kola so Slavinena le

Keren Follow amari Facebook Strana Roma News

Keren Like em Follow ki amari facebook Strana Oven Saste


This will close in 30 seconds