Asavke bukja iklona keda na dzanaja so keraja, soske keraja, em so mangaja.
Koristinaja terminija kola nane len nisavi vrska e nameraja, Kongres, Konferencija, Khedibe, Dikhibe, Kampus, Exkurzija itn.
Sijum sine baro optimisti keda najavinga pes deka taro 16to Maj ka ikerel pes Kongresi ko Berlin
(as ustvari akana ikljola na sine kongresi), soske ki istorija o 16to Maj tano dive e Romane otporeskoro rezistencijakoro keda o Roma ushtinge thaj marge pes bashi pe pravija, aghar da mislingem deka ko akava najavimo Sumnaleskoro Romano Kongresi ka ovel ando nevo plani, akcija, deklaracija, sar te mara amen e sekole diveskere problemencar (Sistemeja) kola so zivinena len o Roma sekova dive.
But dzene pucle man soske me sar Andrijano Dzeladin na sijum sine prisutno ko adava Kongres ko Berlin, mo odgovor tano deka na dikhljum potreba te ovav delo asavke khedibastar sar participanti, i organizacija na bichavga pokane ili rodibe akreditacije mediumenge, pa adaleske poshto o thana sine ogranicime, mukhljum mo than te shaj nekoj soj kompetentno te ucestvinel ko adava kongres.
Ko akala posledna dive dikhlem prekal o socijalna medije o participantija delo taro ko-organizatorija akana irange o diskurs, demek na sine adava kongresi, adava sine pred kongresi dikhibe upoznajbe o Roma mashkar peste taro razlicna phuvja, ako sine adava so vakerena soske ko samo pocetok keda pocmingja i kampanja bashi registracija e participantenge na vakerga pes kola tane o pravilna namere akala WRC (Sumnaleskoro Romanoo Kongresi).
Ili pa akana poshto iklilo (neuspeshno) cidena pumari bul, demek ola sine samo participantija na sine ko-inicijatorija adale khedibaske, a ko sprotivno te ovel sine uspeshno sekoj ka mangel sine te khuvel pe ko kolin te phenel « miri zasluga tani so ikerga pes akava uspeshno kongresi ».
Ajde te pucha amen em te analizirina nekozom bukja zaedno, spomninena « Demokratsko tranzicija »
Tranzicija taro so ? Dzanaja ki Istorija e Romane kongresengoro kerela pes lafi taro prvo Romano Kongresi ikerdo ko 1971 bersh ko London, kote so sar dzana o bersha adava prvo IRU khuvga ki fragmentacija thaj akana isi 3 IRU kova tano validno adava da na dzanaja, numa dali akava khedibe sine sar licno (neuspeshno odmazda) te formirinel pes nevo IRU kova so ovda ka kerel buti ko anav e Romane zaednicake? Za da te spomninel pes o termini TRANZICIJA, mora te ove delo taro adava telo koleste mangeja te kere adaja TRANZICIJA, no sar so dikhlem ni jek taro participantija nane tane delo taro o postoecka 3 IRU.
Dali akaja namera sine te kerel pes « Roma Week 2.0 », samo lafi muhabeti bizo nisavo angazmani, plani, akcisko plani bashi sar te dzal pe po dur, nego isto ko Berlin da sine licna organizaciska prezentacije em slike kerde mashkar amende te achona amenge sar suvenirija deka ko adala dive ko adava bersh dikhljum man em slikingjuma odredeno manusheja.
Soj tano cudno isto aghar, angleder te odrzinel pes o Kongresi but dzene manifestiringe pes sar organizatorija ili ko-organizatorija, a akana vakerena deka sine samo participantija, na dzanaja koj beshlja pali o organiziribe akale Kongreseskoro.
Oficijalno slika taro partnerija e kongreseskoro lendi tari lengiri web strana https://worldromacongress.org/index.php/programme/programme-16-may?fbclid=IwAR32inQKctZjSfocD46qnLaWtFlBir40YuruoHpepjmJLcqwiOOoMLEx2I0
Dikhindor lengiri oficijalno web strana shaj te haljova koja sine lengiri namera dikhen i slika
Znaci ako shukar haljovaja, i namera sine o organizacije ucesnikija thaj o Prvo Generlano sekretari taro prvo Kongresi o Rajo Grattan Puxon te keren nevo kongresi,, ako sine adaja i namera soske na iklilo aghar sar so sine i prvo zamisla ?
Adava trebola te pucha thaj te den amen odgovor o Organizatorija (akanaske tane fantomija) na iklile nisaver konkluzijaja palo ikerdo kongresi, na ikerga pes nisavi press konferencija e mediumenge, na bichavge amenge sar mediumija nisavo soopshtenije. Neli sa akava tano chudno so chivela amen te razmislina soske ikerga pes akava Kongresi thaj so garavela pes palo leste, nane nisavo pesimisticko dikhibe ili peravibe e manushen kola lile than ko akava kongresi, keraja samo analiza soske koristinela pes o lafi « Sumanleskoro Romano Kongresi » sar Roma tumenda meda isi amen pravo te dzana so keravena ki tendzera palo amare dume.
Sar krajno lafi akale kolumnakoro tano, ako na sine kongresi soske koristinge o termini « World Roma Congress » em kerge oficijalno logo
More Stories
Distopija taro Šarlatanija: Otkrijbe e izmamnicko Kameleone tari Romidija
Me mangava samo te vakerav – Sar te pocmina te kera jek Romani sila em te ova zorale ?
5 za 12 !?!