Me mangava samo te vakerav – Sar te pocmina te kera jek Romani sila em te ova zorale ?

Butengoro lafi tano te ova jekhutno, soedinime, te kheda amen ko jek than em te ovel amen po bari mok.

Probinaja nekozom decenije no nashti doresaja te kera jek zorali sila Romani.

Keribe Romani sila tano slozeno proces kova rodela planiribe, organiziribe thaj solidno haljovibe e puchnibaskere kolencar tani zasegnimi i zaednica.

Nekozom cekorija so bi shaj pomozinena amen te kera jek zaednicko sila tane:

1. Te kerel pes identifikacija e problemenge:

Pred te kerel pes i Romani sila, vazno i te indentificirinen pes o problemija kolencar soocinela pes i zaednica, akava shaj te vkljucinel ankete, konsultacije expertencar ili pa ikeribe diskusije e manushencar tari amari zaednica.

2. Te postavinen pes celija:

Od keda ka identificirinen pes o problemija e zaedicakere, trebola te postavinen pes jasna em ostvarliva celija bashi i Romani sila, akala celija mora te oven specificna em mora te odrazinen o potrebe em o prioritetija e zaednicakere.

3. Te kerel pes Timi (Ekipa):

Za da te kerel pes jek Romani sila, potrebno tano timi taro reshitelna em sposobna manusha kola spodelinena isto celija amencar, trebola te kheden pes clenija tari zaednica kola tane strasna em posvetime te pomozinen pumare zaednicake.

4. Vospostavibe akciono plani:

Od keda ka ovel khedimo o Romano timi kova ka kerel buti, trebola te razvinel pes detalno akciono plani za da te resel pes ko chivde celija, asavko plani trebola te vkljucinel jasna em ostvarliva etape (cekorija) sar em vremenska rokija em odgovornostija.

5. Promoviribe i Sila em informiribe e zaednica:

Za da te ovel uspeshno o Romani sila, mora te ovel tumen vidlivo prisustvo ki zaednica ( ko teren), koristibaja o socijalna mreze, lokalna mediumija, Romane portalija, nastanija ki zaednica (bijava, babine, koncertija itn), te shaj objavinena tumari buti em te privlecinen vnimanie e puchibnange kola mangena te reshinen len e zaednicake.

6.Gradibe kapaciteti em partnerstvo:

Te bi shaj kerela pes silno em zorali Romani sila, vazno tano te gradinen pes partnerstvija javere organizacijencar em grupe ki zaednica, akala partnerstvija (unije) shaj te pomozinen te zajakninel pes i zaednicko pozicija em te bajrarel pes o vlijanie ko keribe buti e zaednicake.

7. Keren evaluacija tumare bukjake:

Vazno tano te oceninen em te keren evaluacija tumare bukjake te shaj dikhena dali resena ko tumare celija em te osigurinen tumen deka panda sijen sposobna te zadovolinen o potrebe tumare zaednicakere, koristinen akala procenke te shaj podobrinena tumari buti em te prilagodinen tumen ko promene (modelija) e zaednicakere.

Te phandav nakratko o teksti, gradibe malcinsko Romani sila rodela posvetenost, iskrenost, pripadnost ki zaednica, planiribe, organiziribe em solidno haljovibe e puchibnaskere e zaednicakere.

Keribaja buti sar timi Ekipa, chijbaja jasna celija em gradibaja partnerstvo javere organizacijencar, shaj te sozdajnel pes silno em trajno Romani sila koja shaj te pomozinel te podobrinen pes o uslovija e dzivdipaskere amare zaednicakere.

Me mangava samo te vakerav ( POMOZINAV) !