O Romane Politicarija naj shukar sledinen o Porake e drzavakere Besh Khere Arakh te Familija…

Sar so pocminga i Sanitarno Kriza ko Sumnal, o Romane Politicarija naj shukar sledinen e Drzavakere Porake kote so ola beshena khere em arakhena pire familija, osven Poedincija kola so dikhaja len ko teren em kerena buti sar soj o Gradonacalniko e Sutkakoro o Kurto Dudush Kuco, o Erdjan Selimi tari partija ROM em taro opravdana sastipaskere pricine o Rajo Amdi Bajram.

Pucava man kaj tane okola o javera Romane Politicka Liderija taro sa okola aghar vakerde Romane Partije kola so anglo i pandemija keda sine najavimi i Izborno kampajna phirena sine tari diz ki diz tari naselba ki naselba slike video live e romencar aaa izvini adava sine bashi o izborija mora te kheda poenija, epa o poenija na khedena pe sekova 4to bersh o poenija khedena sekova dive em ko phare momentija e Romenge. 

O Romane Donacije tane po aktivna sar tari makedonija aghar tari Evropa nego o Romane Liderija so trebona te dzan te tresinen e Drzava te roden arka pomos e romenge, Palem ka bistrav sine (Na smijnena but te keren lafi ko pumare koalicionska partnerija) soske ka penen lenge ajde be akana besh ki strana, ola darana ma te nashaven adala thana so dogovoringe pe e Bare Gadzikane Partijencar soske adala dogovorime thana tane ili Bukake ili nesave upravitelna thana pire familijake, epa akana ma vazden panika romalen sekoj dikhela prvo peske pa posle javerenge.

Ajde nane te pishinav but nego samo ka bichavav Seljami dzi adala aghar vakerde romane liderija, ako mangena 4 bersh te len plata em tumare familija te vrabotinen ikljoven pomozinen e romen ki akaja situacija, inaku isi rizik ma de devla ni jek Romano Prateniko ma te ovel ko naredno 4 bersha adaja ka ovel i Kazna.

Tribina pishimi Mandar taro Andrijano Dzeladin seljameja dzi ko liderija te phraven pe jakha ako mangena te ikeren pe thana, konstruktivno kritika pishimi na napadinava nikaskiri licnost nego leskiri funkcija.

andrijano

See author's posts