Nesoglasnost ko SRM mashkar o Sovetnikija ki Komuna Shuto Orizari

Dali akava tano pocetok bashi politicko kriza thaj nesoglasnost ki partija « Sojuz e Romengoro », ili pa beshela neshto javer palo akava.

Neoficijalno doznajnela pes deka o sovetniko tari partija SRM o Rajo Elviz Bajram, na beshela vishe ko redija e sovetnikoncar kola sine ki pozicija ko sovet a ki opozicija e Gradonacalnikoske Kurto Dudush, nego anga odluka te pridruzinel pes ki strana e Gradonacalnikoske, kova soj em neoficijalno o sebepi taro leskoro nakhibe ki strana e aktuelno Gradonacalnikoskiri thaj i Partija DUI pire sovetnikoncer em sar i Alijansa e Albancongiri te pridruzinen pes e Gradonacalnikoske.

Dali o Live taro Kurto Dudush Kuco kova so sine kerdo ki na ikerdi sednica ko restoranti BON-BON, kote so sikavga nesave dokumentija, anga nesave manushen po javer chane te razmislinen so kerena ki politika.

So ka slucinel pes ako akava mnozinstvo iranela pes ?

Sar prvo o aktuelno pretsedateli taro Sovet Sead Ismail ka ovel smenimo thaj leske ko than bare shansencar ka ovel i ex ki akaja funkcija i Fatima Osmanovska.

Sar dujto but po sigate ka nakhen o predlogija thaj o programe e Gradonacalnikoskere kola so ka oven prezentirime ko sovet.

Soske samo o Elvis Bajram nakhla ki strana e Dudusheskiri a na o Sead Ismail ?

Dikhindor taro pishimo status ko Sead Ismail, shaj te dikha deka kerela pes buti bashi licna interesija, a dzi kote o Sead Ismail nane le nisavi namera te ovel « Krpa » melale bukengje ili te ucharel nekaskere bukja;

Sar predlog sinen dendo em dzi iko aktuelno pretsedateli e soveteske te achol ki adaja pozicija samo ako nakhela ki strana e Gradonacalnikoskiri, kote ov na soglasinela pes ko bilo savo nacin,

« Samo ako revidirinela pes o aktuelno DUP (Detalno Urbanisticko Plani) em o sovetnikija te achon heroja te han lon em maro, a na te oven barvale izdaice »

Fb komentari Sead Ismail

Dali celo nesoglasnost mashkar o manusha dali partiska ili ko sovet tano, o DUP thaj o dende markice gradibaske kola nekaske ko korist a nekaske na, ili pa isi javer nesto so sigurno ko naredno periodi ka vakeren le e glasacenge kola so glasinge len ko pozicije Sovetnikija.

Isto aghar Roma News doznajnela, taro andre centralna partiska informacije deka dendo tano em e Sovetnikonge taro redija SDSM te sorabotujnen e Gradonacalnikoja, kova so znacinela direktno naredba te oven delo taro nevo mnozinstvo.

Akaja tani i Politika avdije ki pozicija tajsa ki opozicija, a keda ka oven ki strana e narodoskiri ?

About Author

andrijano

See author's posts