septembre 26, 2021

24h Information

"Nashti uvek te slozina amen olencar, ponekad mora te ova protiv olende"

Kozom tane platime o Romane (liderija) Aktivistija te ruminen o Romano Politicko progres ?

O puchibe shaj tano hari nezgodno « Kozom tane platime te ruminen o Romanipe », ama mora akava puchibe te postavina amare romane politicko Liderenge, soske sar so doznajnela Roma News taro neoficijalna izvorija, nesave amare (Liderija) tane platime te keren protiv jek ili dujto gadzikani partija.

Bizo obzir dali o koalciona partnerija taro VMRO ili SDSM ili pa o aghar vakerde samo stalna Romane politicka partija kola so ki pozadina tane ki koalicija ili e plavoncar ili e lolencar.

Puchaja len dali adaja suma ili usluga so dobinena ko vozvrat tani dovolno te kera haos maskar ki Romani politika, kote solduje bare gadzikane partijenge odgovorinela amen o roma te ova odvime a na ko jek than.

Borinaja amen napadinaja e pozicija ili opozicija ko korist lenge, a na ko korist e Romenge, soske dzanaja anglo sekola izborija o Roma sijem lenge but vazna pa samo so ikljona o izborna rezultatija (palo 20h o dive e glasibaskoro) o Roma khuvaja ko jek baro hor tuneli kote posle phenaja « Hovavge amen o gadze ».

Shukar i te kreirina pozitivno tenzija shukaripaske amare zaednicake, ama but i loshno te kreirina tenzije mashkaar amende ko korist adale partijenge kola so platinena izvesno (Lideren, fb aktivisten).

Em ma te bistra deka but politicka liderija thaj aktivistija, khuvge ko virtualno sveto e socijalno mrezengoro kote so merinena po avtoriteti ki zaednica, a bistrena deka but i pharo te ikljon taro virtualno ko realno aktivizam em te phraven shukar pe jakha em te dikhen so slucinela pes anglo lende.

Keren Follow amari Facebook Strana Roma News

Keren Like em Follow ki amari facebook Strana Oven Saste


This will close in 30 seconds