Konecno jek taro bari problemija ki Komuna Shuto Orizari reshinela pes, falinela Hitno Pomosh – ake o Hitno Pomosh avela, ama na tari Vlada nego donacija tari AVAJA preku i Kancelarija bashi Romane Inicijative thaj Open Society Foundations.
Avdije potpishimo sine memorandum ki Vlada tari Severno Republika Makedonija isto aghar o « Matching Fund » kova so sine obecimo angleder nekozom masek tari Vlada ko Partnerstvo e Organizacijaja REDI.
Palo sa akava achola te dikha i realizacija thaj o dendo potpishimo lafi ko memorandum, dali i Vlada ka ikerel pes ko adava so obecinga, te shaj lokharela pes o kreditna linije e manushenge kola soj tane bizi buti te shaj phravena piro licno biznis.
Isto aghar bi trebola te pucha amen, dali i Vlada ka reagirinel keda nekoj anela pare « OSF » pa te reshinen pes o problemija e Romencar, mada dzanaja deka jek ambulantno vozilo nane te reshinel o javera problemija ama ipak i donacija tani kerdi shukaripaske e Romengoro, dzi kote amare Romane Politicka Liderija na kerena pritisok upra ki aktuelno Vlada, amari buti ka achol samo te oven donacije ili pa o licno angazmani e Fondacijakoro Open Society kote so avdije da sine miafiri ki RSM o Podpresedateli e Fondacijakoro o Rajo Alexander SOROS.
Politicko problemi isi amen kova so dijalogeja mashkar ko Romane Liderija shaj te reshinel pes, ama ake ola dikhena te khele Solo na mesto te khelen ko TEAM em te podobrinen i situacija e Romengiri.
Panda jek puti mora te pozdravinel pes em te podrzinel pes i inicijativa taro RIO< OSF< REDI< Romalitico thaj AVAJA bashi o dendo trudo adaleske so dzi akana dobinge nesto o Roma direktno ili indirektno tari Vlada.
Shaj trebola amen e Rome ki RSM Povishe Nevladina organizacije nego Romane Partije ?
About Author
More Stories
8to April: I Romani Nacia Afirmirinela Piro Suvereniteti
Germanija glasinga: E Romenge o izbor tano jasno – borinen tumen ili nashavgjoven !
Nevi bi-bah ki Komuna Shuto Orizari: 17 bershengoro taro Kosovo vrdaja khuvgja duje ternen