Oja o bijav savrshinga, dzanena pes vec koj tane o Ministerija, zamenik ministerija, direktorija em sa so dzala ki jek nevi formiribe vlada, amare na mesto ko samo pocetok e bijaveske te preporacinen ola vec ko krajo keda khedinga i muzika pe instrumentija.
Erati preku piro Fb profili o Pretsedateli Aksel Ahmedovski tari partija PDPR, bichavga preporaka dzi ko aktuelno mandatari formiribaske vlada thaj Pretsedateli taro SDSM Dimitar Kovachevski.
Sar so shaj te chitina povishe izgledinela amenge sar politicko odvaribe, nego cisto em cvrsto politicko stavi sar Romani Partija.
Ki adaja preporaka vakerela pes:
» iako o ocekiba amare clenengoro thaj simpatizerengoro nane realizirime aghar sar so sine dogovorimo ko celost, pale sijem principijalna em achovaja ki koalicija predvodimi taro SDSM »
Akava sikavela politicko ne zrelost, nisavo ikeribe stavi, kote korkori ki pi preporaka vakerela lenge, deka ako da na dengen amen nishto amen pale ka achova tumencar ki koalicija.
Dali bi ovela sine poshukar ki akaja preporaka te ovel sine pishimo « Ako na ukljucinena amen ki naredno formirimi vlada, amen sar Romani politicko partija na dikhaja amaro interes te achova ki tumari koalicija »
Sar protest shaj sine o Aksel Ahmedovski te del ostavka tari piri pozicija sar Sovetniko ko Kabineti e Premiereske
Dzi keda asavki politika ka vodinel pes, asavke rezultatija ka ovel e Romane politicko partijen taro na-romane Partije.
Mora te sikljoven o Politicka partije te otstapinen taro pire licna interesija, te kazninen korkori pes adaleja so ka kazninen em pire koaliciono partneren……
More Stories
O Romane glasacija borinena pe protiv i mreža e korupcijakiri, simbolika thaj Rasizam: Itno appel bashi cachutni sistemsko promena ki Bugarija
Palo dendo propozalo taro Netvorko sistemsko faisalenge suportime si i Incijativa bašo formiribe Romani platforma ko sasoitno pozicioniriba ko procesi bašo pregovoria ko membripa an i EU
Mensur Haliti: O priznajbe taro Holokaust upra ko Roma, mora te ovel phanlo olengere napredokoja