O nevo mandatari Dimitar Kovacevski tari partija SDSM, aktivno tano ko konsultacije thaj pregovorija bashi formiribe nevi Vlada kolate ka ovel ov Premieri, Spreminena pes naj hari 3 Echalonija kote so sekoj taro Koaliciona partnerija ka dobinel nesavo than i Vladeacko koalicija SDSM, DUI thaj Alternativa.
Ko sa akava pale amare Romane politicka partije so tane ki Koalicija e partijaja SDSM, tane ko MUTE ili pa ki senka, na shungem ni pa chitingem lendar nesave predlogija sar olada te oven delo nesave pozicijencar ki akaja nevi vlada so ka formirinel pes, cak ko riziko te nashaven pes da o aktuelna duj funkcije so isi amen Sovetniko bashi Romani inkluzija ko kabineti ko Premieri thaj o Drzavno Sekretari ki Pravda.
Pale akate mora te chiva o puchibe « Isi li amen li Romane partije, organizirime strukturaja, ili pa isi amen samo Covek partija, kote 20 bersh o liderija na meninena pes? »
Ka mukha pale o vozi te nakhel anglo amaro nak ? Pa posle te phena o gadze kriva na denge amen nishto.
Ka ovel li pritisok akana taro Opshtinsko Ogranok SDSM thaj ASAN FERAT, SRM Gabriel Bajram, PCER Samka Ibraimovski, OPER Nezdet Mustafa, PDPR Aksel Ahmedovski ? Ka ovel li legalno palo formiribe vlada ako na dobinena nishto ko echalonija te den sarine moralno ostavka bashi neuspeh ?
Shaj li ocekujnaja sigende kongresija ko sa o Romane partije te smeninel pes o neuspeshno buti keribe, pa palo adala kongresija te beshen em te keren adaja odobor bershengiri adzikerdi « ROMANI PLATFORMA » ?
Nazalost Roma News ko but navratija bichavga pokane dzi ko politicka liderija te oven misafirija ili te den amen pishimo intervju, ama uvek achilem bizo odgovor lengere stranatar, soske o Roma News puchela o puchibnja so trebola te puchen pes, a na puchiba so kerena kefi e Politicko partijenge.
Isto aghar posledno puchibe isi li sa akale Lideren i bukva O taro lafi Odgovornost sprema i zaednica ?
More Stories
O Romane glasacija borinena pe protiv i mreža e korupcijakiri, simbolika thaj Rasizam: Itno appel bashi cachutni sistemsko promena ki Bugarija
Palo dendo propozalo taro Netvorko sistemsko faisalenge suportime si i Incijativa bašo formiribe Romani platforma ko sasoitno pozicioniriba ko procesi bašo pregovoria ko membripa an i EU
Mensur Haliti: O priznajbe taro Holokaust upra ko Roma, mora te ovel phanlo olengere napredokoja